?️
کراچی: (سچ خبریں) سینئر اداکارہ صبا حمید نے موجودہ ڈراموں کو مصنوعی قرار دیتے ہوئے ماضی کے ڈراموں کو زیادہ اصل اور جاندار قرار دیا ہے۔
حال ہی میں معروف اداکارہ صبا حمید نے پی ٹی وی کے پروگرام اسٹار اینڈ اسٹائل میں شرکت کی، جہاں انہوں نے مختلف موضوعات پر کھل کر گفتگو کی۔
پروگرام میں بات کرتے ہوئے صبا حمید نے کہا کہ 80 کی دہائی کے ڈراموں میں اداکاری کرنے کا اپنا ہی مزہ تھا، کیونکہ اس دور کے مصنفین کے مکالمے نہایت دلچسپ اور جاندار ہوا کرتے تھے۔
انہوں نے امجد اسلام امجد، نورالہدیٰ شاہ، اشفاق احمد اور بانو قدسیہ جیسے بڑے ادبی ناموں کا ذکر کرتے ہوئے کہا کہ ان کے تحریر کردہ مکالمے بولنے میں بہت مزہ آتا تھا۔
صبا حمید کا کہنا تھا کہ اُس زمانے میں ہر اداکار اپنی اسٹائلنگ خود کرتا تھا اور کردار کے مطابق گیٹ اَپ تیار کرتا تھا جبکہ آج کل ایک مکمل ٹیم موجود ہوتی ہے جو کپڑوں سے لے کر میک اپ تک، سب کچھ طے کرتی ہے کہ کس دن کیا گیٹ اپ ہوگا۔
انہوں نے مزید کہا کہ یہی وجہ ہے کہ پرانے وقتوں کے ڈرامے زیادہ اوریجنل محسوس ہوتے تھے، ان میں کسی قسم کی بناوٹ یا مصنوعی پن نہیں ہوتا تھا۔
ایک سوال کے جواب میں سینئر اداکارہ نے ہدایت کاری کو اپنی ترجیح قرار دیا۔ ان کا کہنا تھا کہ انہیں اداکاری کے مقابلے میں ہدایت کاری زیادہ پسند ہے کیونکہ اس میں زیادہ ذمے داری ہوتی ہے۔
صبا حمید کے مطابق ہدایت کار ڈرامے کے سیٹ اپ سے لے کر اداکاروں کے انتخاب تک ہر پہلو کا خود خیال رکھتا ہے، جبکہ ایک اداکار صرف اپنے کردار پر توجہ دیتا ہے۔
انہوں نے اپنی پسندیدہ اداکارہ کے بارے میں بات کرتے ہوئے کہا کہ اگر وہ کسی کی اداکاری کی نقل کرنا چاہیں تو وہ شہناز شیخ ہوں گی۔
ان کے بقول، پاکستان میں مزاحیہ اداکاری میں شہناز شیخ سے بہتر ٹائمنگ کسی کے پاس نہیں ہے۔ انہوں نے مسکراتے ہوئے کہا کہ میں اُن کی بڑی مداح ہوں، یہاں تک کہ اُن سے جلتی ہوں۔
نعمان اعجاز کے بارے میں بات کرتے ہوئے ان کا کہنا تھا کہ وہ ہماری انڈسٹری کا کندن ہیں، جنہیں وقت کی بھٹی نے کندن بنا دیا ہے۔
خیال رہے کہ صبا حمید کا شمار پاکستانی شوبز انڈسٹری کے سینئر ترین فنکاروں میں ہوتا ہے، جو 35 سال سے زائد عرصے سے اس میدان سے وابستہ ہیں۔
ان کے مشہور ڈراموں میں فیملی فرنٹ، میرے ہمسفر، تھکن، پیارے افضل، گھسی پٹی محبت، دل لگی اور لال عشق شامل ہیں۔
حال ہی میں ان کے ڈرامے سن میرے دل، نورجہاں اور اے دل نشر ہوئے، جن میں مداحوں نے ان کی بے مثال اداکاری کو خوب سراہا۔
علاوہ ازیں، انہوں نے ’جیسی آپ کی مرضی‘ نامی کامیاب ڈرامے کی ہدایت کاری بھی کی، جو ناظرین کو بے حد پسند آیا۔


مشہور خبریں۔
ہم کسی ملک کو افغانستان میں مداخلت کی اجازت نہیں دیں گے: طالبان عہدیدار
?️ 18 مئی 2022طالبان کے نائب وزیر خارجہ شیر محمد عباس استانکزی نے متحدہ عرب
مئی
شام کے تفتناز فوجی اڈے میں یکے بعد دیگرے دھماکے، علاقے میں دھویں کے بادل
?️ 2 اکتوبر 2026سچ خبریں:شام کے صوبہ ادلب کے مشرقی مضافات میں واقع تفتناز فوجی
اکتوبر
مسلمانوں کے خلاف کینیڈا کے امتیازی قوانین / پردہ دار ٹیچر کو احتجاج سے قطع نظر بے دخل
?️ 26 دسمبر 2021سچ خبریں: کینیڈا کے صوبے کیوبیک کے ایک اسکول سے باپردہ ٹیچر فاطمہ
دسمبر
ہم شرائط پوری ہونے تک مذاکرات نہیں کریں گے: محسن رضائی
?️ 23 اکتوبر 2026سچ خبریں:ایران کی سپریم نیشنل سیکیورٹی کونسل کے سیکرٹری محسن رضائی نے
اکتوبر
ایران نے اسرائیل کو تباہ کرنے کے قسم کھا رکھی ہے:امریکی جنرل
?️ 20 مارچ 2022سچ خبریں:سینٹ کام دہشت گرد تنظیم کے کمانڈر نے ایران کی میزائل
مارچ
پاکستان سے باہر رہنے کیلئے دل نہیں مانتا، ایسا لگتا ہے بھاگ رہا ہوں، ہارون شاہد
?️ 27 اپریل 2023کراچی: (سچ خبریں) پاکستان کی مخدوش سیاسی اور معاشی صورتحال کی وجہ
اپریل
ٹرمپ اور جولانی کی ملاقات کے اسرار
?️ 12 نومبر 2025سچ خبریں: امریکہ میں ٹرمپ کے ہاں جولانی کا استقبال عام سیاسی پروٹوکول
نومبر
المشاط: ہم فلسطین کی حمایت سے کبھی باز نہیں آئیں گے
?️ 21 اکتوبر 2025سچ خبریں: یمن کی سپریم پولیٹیکل کونسل کے سربراہ نے اس بات
اکتوبر