ہر پاکستانی کی سلامتی اہم ہے، اس پر کسی قیمت سمجھوتہ نہیں کیا جاسکتا، آرمی چیف

?️

اسلام آباد:(سچ خبریں) چیف آف آرمی اسٹاف جنرل عاصم منیر نے کہا ہے کہ ہر پاکستان کی سلامتی اور حفاظت انتہائی اہم ہے اور کسی قیمت پر سمجھوتہ نہیں کیا جاسکتا ہے۔

پاک فوج کے شعبہ تعلقات عامہ (آئی ایس پی آر) سے جاری بیان کے مطابق آرمی چیف نے راولپنڈی میں جنرل ہیڈاکوارٹرز میں قومی سلامتی ورکشاپ کے شرکا سے خطاب کیا۔

بیان میں کہا گیا کہ نیشنل ڈیفنس یونیورسٹی میں ہونے والی سالانہ نیشنل سیکیورٹی ورکشاپ میں اراکین پارلیمان، سول اور مسلح افواج کے سینئر افسران اور سول سوسائٹی کے نمائندوں سمیت 98 شرکا شرکت کر رہے ہیں۔

ورکشاپ کے دوران شرکا کو بین الاقوامی وعلاقائی سیکیورٹی اور قومی سلامتی کی صورت حال پر بریفنگ دی گئی۔

آئی ایس پی آر نے بتایا کہ شرکا کو غیر قانونی سرگرمیاں روکنے کے لیے کیے گئے اقدامات سے بھی آگاہ کیا گیا، جس میں اسمگلنگ، بجلی چوری، منشیات کا پھیلاؤ، بارڈر کنٹرول کے اقدامات اور پاکستان سے غیر قانونی غیر ملکیوں کی وطن واپسی شامل ہے۔

بیان کے مطابق اس موقع پر آرمی چیف جنرل عاصم منیرنے کہا کہ ہر ایک پاکستانی کی حفاظت اور سلامتی انتہائی اہمیت کی حامل ہے، جس پر کسی قیمت سمجھوتے کی اجازت نہیں دی جا سکتی ہے۔

آرمی چیف نے کہا کہ پاکستان کی مسلح افواج، سیکیورٹی اور انٹیلی جنس کے ادارے دشمن قوتوں کی مسلسل کوششوں کے باوجود دہشت گردی کی لعنت کا بہادری سے مقابلہ کررہے ہیں۔

انہوں نے کہا کہ پاکستانی عوام کے مسلسل تعاون سے ان شا اللہ کامیابی ہمارا مقدر ہوگی۔

جنرل عاصم منیر نے کہا کہ دانش وروں اور سول سوسائٹی کی اہم ذمہ داری ہے کہ وہ اس بات کو یقینی بنائیں کہ ہمارے عوام، خصوصی طور پر نوجوان نسل پاکستان کے ریاستی اداروں کے خلاف جاری پروپیگنڈے کے بارے میں اپنی معلومات میں اضافہ کریں اور اس کا مقابلہ کریں۔

آرمی چیف نے معیشت کی بہتری کے لیے خصوصی سرمایہ کاری سہولت کونسل(ایس آئی ایف سی) سمیت دیگر اقدامات کے نتیجے میں معیشت پر پڑنے والے مثبت اثرات بھی اجاگر کیے۔

انہوں نے کہا کہ فوج پاکستان کے عوام کی بہتری کے لیے ریاست کے دیگر اداروں کے ساتھ مل کر مختلف شعبوں میں قومی اور صوبائی سطح پر پوری طرح مصروف عمل ہے۔

آرمی چیف نے کہا ہے کہ ہم ایک مضبوط قوم ہیں جس نے امن اور استحکام کے حصول کے لیے بہت سی آزمائشیں برداشت کی ہیں۔

مشہور خبریں۔

ایف بی آر افسران کے اختیارات میں اضافے کی تجویز مسترد

?️ 17 جون 2025اسلام آباد: (سچ خبریں) قومی اسمبلی کے پارلیمانی پینلز نے ایف بی

پوٹن کے حکم پر مغربی حکام کا رد عمل

?️ 22 ستمبر 2022سچ خبریں:      روسی صدر ولادیمیر پیوٹن نے بدھ کو اپنی

آئزن کوٹ کابینہ تشکیل دینے میں مصروف؛ کیا نیتن یاہو کا دور ختم ہوا ؟

?️ 10 نومبر 2026سچ خبریں: اسرائیلی پارلیمانی انتخابات میں نیتن یاہو کے اتحاد کی شکست

غزہ میں 170,000 زخمیوں کو سرجری کی ضرورت 

?️ 18 اکتوبر 2025سچ خبریں: غزہ شہر میں طبی امداد کی سربراہ سوسائٹی کے ڈائریکٹر نے

لندن آبنائے ہرمز کی تقدیر سے پریشان کیوں ہے؟

?️ 20 اپریل 2026 سچ خبریں: ایندھن کی قیمتوں میں غیرمعمولی اضافہ، بلوں کی بڑھتی

رانا ثنا اللہ کا 17 مئی کے بعد عمران خان کی دوبارہ گرفتاری کا عندیہ

?️ 13 مئی 2023اسلام آباد:(سچ خبریں) وزیر داخلہ رانا ثنا اللہ نے 17 مئی یا

شیخ عیسی قاسم کا صیہونیوں کے ساتھ تعامل کے بارے میں بیان

?️ 3 ستمبر 2022سچ خبریں:  بحرینی انقلاب کے روحانی پیشوا شیخ عیسی قاسم نے آج

شہید کے قتل کی سب سے کم قیمت امریکہ کا مغربی ایشیا سے انخلاء

?️ 2 جنوری 2023سچ خبریں:   حزب اللہ عراق کے سکریٹری جنرل ابو حسین الحمیدوی نے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے