ہر تین مہینے بعد کہا جاتا ہے کہ حکومت مشکل میں ہے: وزیراعظم

?️ 30 دسمبر 2021

اسلام آباد(سچ خبریں) تحریک انصاف کی پارلیمانی پارٹی اجلاس میں شرکت سے قبل وزیراعظم عمران خان سے صحافیوں نے مختلف سوالات کئے اور انہوں  نے  برجستہ جوابات  صحافیوں کو خوب محظوظ کیا۔اسی دوران ایک صحافی نے سوال کیا کہ وزیر اعظم صاحب حکومت مشکل میں نظر آ رہی ہے تو اس کے جواب میں انہوں نے کہا کہ ہر تین مہینے کے بعد کہا جاتا ہے کہ حکومت مشکل میں ہے۔

تفصیلات کے مطابق وزیراعظم پی ٹی آئی کی پارلیمانی اجلاس میں شرکت کے لئے پارلیمنٹ ہاؤس پہنچے، جہاں صحافیوں نے وزیراعظم سے سوالات کئے جس کا وزیراعظم نے برجستہ جواب دیا۔ایک صحافی کی جانب سے سوال کیا گیا کہ وزیراعظم صاحب حکومت مشکل میں نظر آ رہی ہے، جس پر وزیراعظم نے کہا کہ یہ سوال تم نے کتنی بار پوچھا ہے؟، ہر تین مہینے بعد کہا جاتا ہے کہ حکومت مشکل میں ہے۔

وزیراعظم نے جواب دیا کہ کہا جاتا رہا ہے نواز شریف وطن واپس آ رہے ہیں، نواز شریف سعودی عرب گئےتو تب بھی کہا جا رہا تھا کہ آ رہا ہے آ رہا ہے، جب تک سمجھوتا نہیں ہوگیا یہی سنتے رہے۔ایک اور صحافی نے شہباز شریف سے متعلق سوال کیا تو وزیراعظم نے کہا کہ شہباز شریف کی تقریر نہیں جاب اپلیکشن ہوتی ہے۔