کوہستان میں 21 ارب روپے کا ایک اور سکینڈل سامنے آگیا

?️ 20 مئی 2025

پشاور (سچ خبریں) کوہستان میں 21 ارب روپے کا ایک اور سکینڈل سامنے آگیا، کوہستان میں سپیشل آڈٹ کے دوران 21 ارب روپے سے زائد بےقاعدگیوں کا انکشاف ہوا۔

ڈی جی آڈٹ کے مطابق سال 24-2023 کے کوہستان سپیشل آڈٹ کے دوران 21 ارب 30 کروڑ روپے کی بے قاعدگیاں سامنے آئیں۔

آڈیٹر جنرل نے کوہستان میں صرف محمکہ بلدیات کے ترقیاتی کاموں کا آڈٹ کیا ہے، آڈیٹرجنرل نے صوبے کے ملاکنڈ ڈویژن میں چھ ارب روپے کی بےقاعدگیوں کی بھی نشاندہی کی ہے۔

ڈی جی آڈٹ کے مطابق سوات میں محکمہ بلدیات میں 4 ارب 30 کروڑ، بونیر میں 3 کروڑ روپے کی بےقاعدگیاں ہوئی ہیں۔

صوابی میں 56 کروڑ، مردان میں 58 کروڑ اور 8 کروڑ کی بےقاعدگیاں ملاکنڈ میں ہوئی ہیں، باجوڑ کے اے ڈی لوکل گورنمنٹ میں 24 کروڑ کی بےقاعدگیاں آڈٹ کےدوران رپورٹ ہوئیں۔