کوئی سمجھتا ہے عمران خان معافی مانگیں گے تو اس کا کوئی امکان نہیں ہے،سلمان اکرم راجہ

🗓️ 24 مارچ 2025

اسلام آباد: (سچ خبریں) پاکستان تحریک انصاف کے سیکرٹری جنرل سلمان اکرم راجہ کا کہنا ہے کہ کوئی سمجھتا ہے بانی پی ٹی آئی عمران خان معافی مانگیں گے تو اس کا کوئی امکان نہیں ہے،یہ ناممکن ہے بانی پی ٹی آئی کوئی معافی نہیں مانگیں گے، اپوزیشن جماعتوں سے گفتگو اچھی چل رہی ہے،اسلام آباد ہائیکورٹ میں پیشی کے بعد میڈیا سے گفتگو کرتے ہوئے رہنماءپی ٹی آئی نے کہا کہ بانی پی ٹی آئی عمران خان سے ملاقات کا معاملہ باہمی رضا مندی سے آج طے ہو گیا۔

مگر یہ شرط رکھی گئی ہے کہ ملاقات کرنے والے جیل سے باہر آکر گفتگو نہیں کریں گے۔تمام رہنماءبانی پی ٹی آئی سے ملاقات کے بعد باہر آکر سیاسی گفتگو نہیں کریں گے تو اس پرہم نے کہا ٹھیک ہے۔گفتگو پر قدغن تو کسی انسان پر نہیں لگ سکتی۔

ارکان پارلیمنٹ ہیں جہاں انہوں نے اپنا نکتہ نظر پیش کرنا ہوگا وہ کر دیں گے۔ گفتگو کرنے پر پابندی صرف رفقا کے حوالے سے لگی ہے۔

آج عدالت میںیہ بھی طے پایا ہے کہ بانی پی ٹی آئی عمران خان کے جو حقوق ہیںوہ ان کو دئیے جائیں گے۔عمران خان کے معافی مانگنے پر سوال ہی نہیں بنتا۔ یہ ناممکن ہے کہ بانی پی ٹی آئی کوئی معافی نہیں مانگیں گے۔ اگرکوئی سمجھتا ہے بانی پی ٹی آئی عمران خان معافی مانگیں گے تو اس کا کوئی امکان نہیں ہے۔ان کا کہنا ہے کہ عدالت کے باہرگفتگو کرنے سے امن و امان کی صورتحال پیدا ہو سکتی ہے۔

ایک سوال کے جواب میں سلمان اکرم راجہ کایہ بھی کہنا تھاکہ ایم کیو ایم، پیپلزپارٹی اور ن لیگ اس وقت مستفید ہو رہی ہیں۔ مستفید جماعتوں کو اپنے روئیے پر نظرثانی کرنا ہو گی پھر بات ہو گی جس کا امکان نہیں ہے۔سیکرٹری جنرل پی ٹی آئی سلمان اکرم راجہ کا مزید کہنا تھا کہ 23مارچ خوشی کا دن تھا، گھروں پر چھاپے مارے گئے۔ 23 مارچ کو لاہور میں تو کیک تک نہیں کاٹنے دیا گیا میں اس تقریب میں خودموجود تھا وہاں پولیس آئی اور ساونڈ سسٹم بند کر دیاگیا۔

یہ صرف آئین کی پامالی نہیں بلکہ شرافت کی بھی پامالی ہے۔انہوں نے کہا کہ اپوزیشن جماعتوں سے مختلف امور پر مشاورت کا سلسلہ جاری ہے ۔ہم سب کے ساتھ مشاورت سے چلیں گے۔ جے یو آئی اور سندھ کی جماعتوں سمیت ہر جگہ ہم آگے بڑھ رہے ہیں۔