کم ترین وقت میں سیلاب متاثرین کےنقصان کا ازالہ کیا جارہا ہے۔ مریم اورنگزیب

?️ 22 اکتوبر 2025

مظفرگڑھ (سچ خبریں) سینئر صوبائی وزیر مریم اورنگزیب نے کہا ہے کہ کم ترین وقت میں سیلاب متاثرین کے نقصان کا ازالہ کیا جارہا ہے۔

پنجاب کے ضلع مظفرگڑھ میں تقریب سے خطاب کرتے ہوئے مریم اورنگزیب کا کہنا تھا کہ سیلاب متاثرین کی گھروں کو واپسی پر خوشی ہوئی، وزیراعلیٰ مریم نواز سیلاب متاثرین کی بحالی پر خاص توجہ دے رہی ہیں۔ اُنہوں نے کہا کہ مریم نواز نے عوام کی خدمت کا عزم کر رکھا ہے، انہوں نے عوام کی خدمت کے لیے علی پور بھیجا ہے، پنجاب میں بدترین سیلاب کا سامنا کرنا پڑا، پنجاب حکومت کے اقدامات سے سیلاب متاثرہ علی پور میں بحالی ممکن ہوئی۔

سینئر صوبائی وزیر کا کہنا تھا کہ پنجاب حکومت نے سیلاب متاثرین کی بھرپور مدد یقینی بنائی، پنجاب حکومت نے سیلاب متاثرین کے لیے بڑا ریسکیو اینڈ ریلیف آپریشن کیا، ہمارا مشن عوام کی خدمت کرنا ہے، سیلابی صورتحال کے دوران وزیراعلیٰ نے پنجاب میں مثالی کام کیا۔

مریم اورنگزیب نے کہا کہ وزیراعلیٰ مریم نواز نے عوام سے کیے وعدے پورے کر رہی ہیں، کم ترین وقت میں سیلاب متاثرین کے نقصان کا ازالہ کیا جارہا ہے، عالمی ادارے کہہ رہے ہیں سیلاب متاثرین کا اس سے پہلے ایسا شفاف سروے نہیں ہوا۔

اُن کا مزید کہنا تھا کہ وزیراعظم کی معاشی ٹیم نے ملک کو دیوالیہ ہونے سے بچایا، ملک کی معیشت ٹھیک اور ملک میں ترقی ہورہی ہے۔