?️
اسلام آباد(سچ خبریں) الیکشن کمیشن آف پاکستان (ای سی پی) نے پاکستان تحریک انصاف (پی ٹی آئی) کے نو منتخب سینیٹر فیصل واڈا کے مستعفی ہونے کے بعد خالی ہونے والی قومی اسمبلی کی نشست پر ضمنی انتخاب کا شیڈول جاری کردیایاد رہے کہ فیصل واڈا 2018 کے عام انتخابات میں کراچی ٖغربی 2 کے حلقہ این اے-249سے مسلم لیگ (ن) کے صدر شہباز شریف کو محض 718 ووٹوں سے شکست دے کر کامیابی حاصل کی تھی۔
فیصل واڈا کے خلاف اسلام آباد ہائی کورٹ اور الیکشن کمیشن میں دہری شہریت کا کیس دائر تھا، ان پر الزام تھا کہ عام انتخابات 2018 میں حصہ لینے کے لیے الیکشن کمیشن میں جمع کروائے گئے کاغذات نامزدگی کے وہ دوہری شہریت کے حامل تھے۔
رپورٹ کے مطابق انہوں نے اپنے کاغذات نامزدگی 11 جون 2018 کو جمع کروائے، جو ایک ہفتے بعد 18 جون کو منظور ہوئےجبکہ اس کے 4 روز بعد انہوں نے کراچی میں امریکی قونصلیٹ میں اپنی شہریت کی تنسیخ کے لیے درخواست دی تھی۔
چنانچہ رپورٹس کے مطابق نااہلی کے خدشے کے پیش نظر سینیٹ انتخابات میں پی ٹی آئی کی جانب سے انہیں سندھ سے سینیٹر منتخب کروانے کے لیے ٹکٹ جاری کیا تھا۔
3 مارچ کو ہونے والے سینیٹ انتخابات میں اسلام آباد کی نشست کے لیے قومی اسمبلی میں اپنا ووٹ ڈالنے کے بعد فیصل واڈا اپنی نشست سے مستعفی ہوگئے تھے۔
اسی روز اسلام آباد ہائی کورٹ سے ان کی نااہلی کیس کا فیصلہ بھی جاری ہوگیا تھا جس میں کہا گیا تھا کہ فیصل واڈا کو مستعفی ہونے کے باعث نااہل قرار نہیں دیا جاسکتا البتہ الیکشن کمیشن میں جمع کرایا گیا ان کا بیان حلفی بظاہر جھوٹا ہے جس پر الیکشن کمیشن فیصلہ کرے۔
چنانچہ الیکشن کمیشن نے فیصل واڈا کے استعفے سے خالی ہونے والی قومی اسمبلی کے حلقہ این اے 249 کی نشست پر ضمنی انتخاب کا شیڈول جاری کر دیا۔
شیڈول کے مطابق این اے-249 میں ضمنی انتخاب 29 اپریل کو ہو گا جس کے لیے امیدوار 13 مارچ سے 17 مارچ تک کاغذات نامزدگی جمع کرا سکیں گے۔
جس کے بعد 25 مارچ تک امیدواروں کے کاغذات کی اسکروٹنی کی جائے گی اور امیدوار 29 مارچ تک ریٹرننگ افسر کی فیصلوں کے خلاف ایپیلٹ ٹربیونل میں اپیلیں دائر کر سکیں گے۔
بعدازاں 6 اپریل کو امیدواروں کی حتمی فہرست جاری کی جائے گی، ضمنی انتخاب سے دستبردار ہونے والے امیدوار 7 اپریل تک کاغذات واپس لے سکیں گے اور 8 اپریل کو امیدواروں کو انتخابی نشانات الاٹ کردیے جائیں گے۔
خیال رہے کہ الیکشن کمیشن نے ڈسکہ میں 18 مارچ کو دوبارہ ضمنی انتخاب کا فیصلہ کیا تھا جس میں گزشتہ روز تبدیلی کر کے انتخاب 10 اپریل کو کروانے کا اعلان کیا گیا تھا۔


مشہور خبریں۔
ٹی ٹی پی کے متعلق وزیر خارجہ نے دیا اہم بیان
?️ 16 ستمبر 2021اسلام آباد(سچ خبریں) وزیر خارجہ شاہ محمود قریشی نے کہا ہے کہ
ستمبر
افغانستان اور عراق پر امریکی حملوں کی قیمت
?️ 21 اکتوبر 2021سچ خبریں: جارج ڈبلیو بش اور ان کے علمبرداروں نے 2001 سے
اکتوبر
فن لینڈ کو روسی گیس کی برآمدات بند ؛ ڈان باس میں کارروائیوں میں شدت
?️ 22 مئی 2022سچ خبریں: روسی حکومت نے ہفتے کے روز ڈونباس کے علاقے میں
مئی
بلاول بھٹو زرداری کا وزیراعظم سے رابطہ، سیلاب سے متاثرہ پنجاب کے کسانوں کے مسائل سے آگاہ کیا
?️ 6 ستمبر 2025اسلام آباد: (سچ خبریں) چیئرمین پیپلزپارٹی بلاول بھٹو زرداری نے قصور میں
ستمبر
جب تک کشمیر کا مسئلہ حل نہیں ہوتا مودی جارحیت دہراتا رہے گا۔ مشعال ملک
?️ 14 مئی 2025اسلام آباد (سچ خبریں) کشمیری حریت رہنما یاسین ملک کی اہلیہ مشعال
مئی
حماس نے معمر قیدیوں کی رہائی پر رضامندی ظاہر کی
?️ 17 دسمبر 2024سچ خبریں: اسرائیلی اخبار اسرائیل ہیوم نے لکھا ہے کہ ممکنہ معاہدے کے
دسمبر
تائیوان امریکی فوجیوں کی ممکنہ دلدل / کیا وائٹ ہاؤس ویت نام کے تلخ تجربے کو دہرائے گا؟
?️ 17 اکتوبر 2021سچ خبریں: اس سال اکتوبر کے آغاز کے بعد سےصورتحال اس طرح
اکتوبر
گورنر خیبرپختونخوا سے ایرانی قونصل جنرل کی ملاقات، خطے کی موجودہ صورتحال پر گفتگو
?️ 22 فروری 2026پشاور (سچ خبریں) گورنر خیبر پختونخوا فیصل کریم کنڈی سے پشاور میں
فروری