?️
کابل (سچ خبریں) افغانستان کے طرز عمل پر پاکستان کا جوابی وار سامنے آگیا ہے، پاکستان نے کابل میں تعینات اپنے سفیر کو اہم مشاورت کے لیے اسلام آباد بلا لیا گیا ہے۔ پاکستانی سفیر منصور احمد خان اتوار کی رات کابل سے اسلام آباد پہنچ چکے ہیں۔
ذرائع کے مطابق کابل میں تعینات پاکستانی سفیر کو مشاورت کے لیے اسلام آباد بلا لیا گیا ہے۔ سفارتی ذرائع کا کہنا ہے کہ پاکستانی سفیر کو افغان سفیر کی بیٹی کے واقعے پر مشاورت کے لیے بلایا گیا ہے۔منصور احمد خان آج دفتر خارجہ میں سیکرٹری خارجہ سے ملاقات کریں گے۔ذرائع کے مطابق اہم ترین ملاقات میں پاکستان سے افغان سفیر اور عملے کی کابل واپسی سے پیدا صورتحال کا جائزہ لیا جائے گا،اس کے علاوہ ملاقات میں مجوزہ افغسان امن کانفرنس میں پیشرفت پر بھی مشاورت ہو گی۔
علاوہ ازیں افغان حکومت کی جانب سے اپنا سفارتی عملہ واپس بلائے جانے کے فیصلے کو پاکستان نے افسوس ناک قرار دیا ہے۔ ترجمان دفتر خارجہ کے مطابق افغان حکومت کا اپنے سفیر اور سفارتی عملےکو واپس بلانےکا فیصلہ بدقسمتی اور افسوس ناک ہے۔ترجمان کا کہنا ہے کہ افغان سفیر کی بیٹی کےاسلام آبادمیں مبینہ اغواکی تحقیقات جاری ہیں، وزیر اعظم عمران خان کی ہدایت پر معاملےکی تحقیقات اعلٰی سطح پر ہو رہی ہیں۔
ان کا کہنا ہےکہ افغان سفیر، ان کے خاندان اور دیگر سفارتی عملے کی سیکیورٹی بڑھادی ہے، سیکرٹری خارجہ نے آج افغان سفیر سے ملاقات بھی کی اور افغان سفیر کو معاملے پر حکومتی اقدامات سے آگاہ کیا، سیکرٹری خارجہ نے افغان سفیرکو مکمل تعاون کی یقین دہانی کرائی ہے۔ ترجمان دفتر خارجہ کا کہنا ہے کہ پاکستان افغان حکومت سے فیصلے پر نظر ثانی کی امید رکھتا ہے۔
خیال رہے کہ افغان صدر اشرف غنی نے اسلام آباد سے اپنے تمام سفارت کاروں کو ملک واپس بلا لیا ہے۔اس حوالے سے وفاقی وزیر داخلہ شیخ رشید احمد نے حال ہی میں اپنے ایک بیان میں کہا ہے کہ افغان سفیر کی بیٹی کا کیس 72 گھنٹے میں حل ہوجائے گا اور جلد تمام تفصیلات سامنے آجائیں گی کہ اس معاملے میں کون ملوث ہیں۔
ابتدائی طور پر 3 ڈرائیورز سے تفتیش مکمل کرلی گئی ، واقعے کی ایف آئی آربھی درج ہوچکی ہے ، اسلام آباد میں پریس کانفرنس کرتے ہوئے انہوں نے بتایا کہ 16 جولائی کو اسلام آباد میں افغان سفیر کی بیٹی کے ساتھ ہونے والے معاملے کی تحقیقات جاری ہیں اور یہ کیس 72 گھنٹے میں حل ہو جائے گا۔
اب تک کی تحقیقات سے یہ بات سامنے آئی ہے کہ افغان سفیر کی بیٹی گھر سے پیدل نکلی اور ٹیکسی سے کھڈا مارکیٹ پہنچی ، جیسے جیسے تحقیقات کر رہے ہیں کڑیاں مل رہی ہیں ، افغان سفیر کی بیٹی کے کھڈا مارکیٹ سے راولپنڈی جانے کی تحقیقات کر رہے ہیں ، اغوا کاروں کو گرفتار کرنے کی کوشش کر رہے ہیں۔


مشہور خبریں۔
چین: ہمیں امید ہے کہ امریکہ ٹک ٹاک کے لیے غیر امتیازی کاروباری ماحول فراہم کرے گا
?️ 20 ستمبر 2025سچ خبریں: ٹک ٹاک کیس پر چین اور امریکہ کے درمیان معاہدے
ستمبر
پچھلے 24 گھنٹوں کے دوران لبنان پر 50 سے زائد اسرائیلی فضائی حملے
?️ 3 مئی 2026سچ خبریں: صہیونی حکومت کی فوج نے پچھلے 24 گھنٹوں کے دوران
مئی
عثمان بزدار نے جنوبی پنجاب کے عوام کو بڑی خوشخبری سنادی
?️ 3 فروری 2022لاہور(سچ خبریں) وزیراعلیٰ پنجاب نے جنوبی پنجاب کے لوگوں کو بڑی خوشخبری
فروری
شام اسرائیل کے ساتھ تعلقات کو معمول پر لانے کے وسیع معاہدوں کا مخالف
?️ 12 نومبر 2025 شام اسرائیل کے ساتھ تعلقات کو معمول پر لانے کے وسیع
نومبر
وفاقی کابینہ نےمنی بجٹ کی منظوری دےدی: فواد چوہدری
?️ 30 دسمبر 2021اسلام آباد (سچ خبریں) وزیراعظم عمران خان کی سربراہی میں منی بجٹ
دسمبر
امریکہ میں مارا جانے والا ایٹمی سائنسدان صیہونی حامی تھا:صیہونی میڈیا
?️ 18 دسمبر 2025سچ خبریں:صہیونی میڈیا کا کہنا ہے کہ امریکی ریاست ماساچوسٹس میں اسرائیل
دسمبر
فواد چوہدری کا مصدق ملک کے بیان پر رد عمل
?️ 30 مئی 2022اسلام آباد (سچ خبریں) وزیر مملکت برائے توانائی مصدق ملک کے بیان
مئی
غاصب فوجیوں کے اہل خانہ سے صیہونی رہنماؤں کے خالی وعدے
?️ 8 جولائی 2022سچ خبریں: اسرائیلی وزیر جنگ بینی گینٹز نے دعویٰ کیا کہ تل
جولائی