ڈاکٹر ماہ رنگ بلوچ پر سفری پابندی عائد ہونے کے بعد دہشتگردی کا مقدمہ بھی درج

?️

کراچی: (سچ خبریں) بلوچ یکجہتی کمیٹی کی سربراہ ڈاکٹر ماہ رنگ بلوچ پر مبینہ طور پر لوگوں کو سیکیورٹی اداروں پر ’الزامات‘ لگا کر اکسانے کے الزام میں دہشت گردی کا مقدمہ درج کر لیا گیا۔

منگل کو کراچی کے جناح انٹرنیشنل ایئرپورٹ پر امیگریشن حکام کی جانب سے انہیں نیو یارک جانے سے روک دیا گیا تھا، جہاں وہ ٹائم میگزین کے ایونٹ میں شرکت کرنے والی تھی۔

انسانی حقوق کی رہنما کا کہنا تھا کہ انہیں ٹائم میگزین کی جانب سے 100 بااثر افراد کی فہرست میں شامل کیے جانے کے بعد ایک تقریب میں شرکت کرنی تھی۔

تاہم انہوں نے یہ دعویٰ کیا کہ انہیں وفاقی تحقیقاتی ادارے (ایف آئی اے) نے بیرون ملک جانے سے روکا تھا، ماہ رنگ  نے اپنے غیر ملکی سفر پر پابندی عائد کرنے کے حکومتی فیصلے کو عدالت میں چیلنج کرنے کے عزم کا اظہار کیا ہے۔

ڈان ڈاٹ کام کو موصول ہونے والی فرسٹ انفارمیشن رپورٹ (ایف آئی آر) کی ایک کاپی کے مطابق مقدمہ ضلع ملیر کی قائدآباد پولیس نے اسد علی شمس نامی ایک مقامی رہائشی کی شکایت پر درج کیا، جس نے دعویٰ کیا کہ ماہ رنگ بلوچ ان کے علاقے میں تشدد کو ہوا دے رہی ہیں۔

ایف آئی آر میں انسداد دہشت گردی ایکٹ، اشتعال دلانے، بغاوت اور پاکستان پینل کوڈ کی دفعات شامل کی گئی ہیں۔

تاہم ڈان سے بات کرتے ہوئے اسٹیشن ہاؤس افیسر (ایس ایچ او) فراست شاہ کا کہنا تھا کہ شکایت کنندہ کو ماہ رنگ بلوچ کے ساتھ مسئلہ ہے کیونکہ انہوں نے مبینہ طور پر لوگوں کو ریاست اور اداروں کے خلاف اکسایا ہے۔

ایف آئی آر میں شکایت کنندہ کی جانب سے کہا گیا’ مجھے سو فیصد یقین ہے کہ ماہ رنگ بلوچ ’بلوچ لبریشن آرمی‘ کے دہشت گردوں کے ساتھ مل کر ملک دشمن سرگرمیاں انجام دے رہی ہیں۔

ایف آئی آر میں مبینہ طور پر ماہ رنگ بلوچ پر بی ایل اے سمیت 9 متعدد عسکریت پسند تنظیموں کی سرگرمیوں میں ملوث ہونے کا الزام عائد کیا گیا ہے۔

دریں اثنا، ماہ رنگ بلوچ نے اس مقدمے کو ’جھوٹا‘ قرار دیتے ہوئے کہا کہ اس سے ظاہر ہوتا ہے کہ ان کی سرگرمیوں سے ریاست کی پریشانی میں اضافہ ہورہا ہے۔

انہوں نے مائکرو بلاگنگ کی ویب سائٹ ایکس پر کی گئی پوسٹ میں لکھا’میری پرامن جدوجہد ایسی کسی بھی غیر قانونی، غیر آئینی اور اوچھے ہتھکنڈوں سے نہیں روکی جا سکتی۔

انہوں نے مزید کہا’ یہ اقدامات نہ صرف مجھے ہراساں کرنے کے لیے ایک منظم مہم کا حصہ ہیں بلکہ یہ سیکیورٹی اداروں کی جانب سے امن و امان کی صورتحال کو برقرار رکھنے میں ناکامی پر پردہ ڈالنے کی کوشش ہے۔

ماہ رنگ بلوچ نے کہا کہ ایف آئی آر کا مقصد بلوچ قوم کی اجتماعی جدوجہد کو نقصان پہنچانا ہے، انہوں نے مزید کہا ’میں ان جبری اقدامات سے بے خوف ہو کراپنا کام جاری رکھو گی اور اپنا مقدمہ عدالت میں لڑوں گی۔‘

واضح رہے کہ منگل کو ڈاکٹر ماہ رنگ بلوچ کو کراچی کے جناح انٹرنیشنل ایئر پورٹ پر ائیر پورٹ حکام نے بیرون ملک سفر کرنے سے روک دیا تھا۔

ڈاکٹر ماہ رنگ بلوچ کے ہمراہ انسانی حقوق کے رہنما وہاب بلوچ، سمی دین بلوچ اور ہیومن رائٹس کمیشن پاکستان کے وائس چیئرمین قاضی خضر کو بھی بیرون ملک جانے سے روک دیا گیا تھا۔

مشہور خبریں۔

امریکا کی سفری پابندیوں سے بچنے کیلئے پاکستان کو 2 ماہ کی مہلت ملنے کا امکان

?️ 16 مارچ 2025اسلام آباد: (سچ خبریں) امریکی میڈیا کی جانب سے ہفتے کے روز

فتاح سپرسونک میزائل ایران کا جیت کا تمغہ تھا : الجزیرہ

?️ 2 اکتوبر 2024سچ خبریں: الجزیرہ نیوز ویب سائٹ نے اپنی ایک رپورٹ میں الفتاح نامی

پاکستان سے باہر رہنے کیلئے دل نہیں مانتا، ایسا لگتا ہے بھاگ رہا ہوں، ہارون شاہد

?️ 27 اپریل 2023کراچی: (سچ خبریں) پاکستان کی مخدوش سیاسی اور معاشی صورتحال کی وجہ

عدالت کا مونس الہیٰ کے اٹھائے گئے دوست کو پیش کرنے کا حکم

?️ 8 جنوری 2023لاہور: (سچ خبریں) لاہور ہائیکورٹ نے مبینہ طور پر حراست میں لیے

امریکی حکومت کا تائیوان کو 500 ملین ڈالر کی اسلحہ امداد بھیجنے کا منصوبہ

?️ 7 مئی 2023ایک باخبر ذریعے نے اطلاع دی ہے کہ امریکی حکومت تائیوان کو

طیبہ گل الزامات: ڈی جی نیب کی پی اے سی میں طلبی کے خلاف عدالت میں درخواست دائر

?️ 13 جولائی 2022اسلام آباد:(سچ خبریں)طیبہ گل کی جانب سے ہراسگی کے سنگین الزامات پر

سعودی عرب کا متحدہ عرب امارات اور قطر کے ساتھ فضائی مقابلے کا منصوبہ

?️ 3 جولائی 2021سچ خبریں:سعودی عرب امارات اور قطر ایئر ویز کے ساتھ مقابلہ کرنے

توہین الیکشن کمیشن کیس: عمران خان کے پروڈکشن آرڈر جاری کرنے کی استدعا

?️ 12 اکتوبر 2023اسلام آباد: (سچ خبریں) پی ٹی آئی  نے ایک غیر متوقع اقدام

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے