پنجاب پہلا صوبہ ہے جہاں چائلڈ پروٹیکشن پالیسی بنائی جا رہی ہے۔ مریم اورنگزیب

?️ 21 نومبر 2025

لاہور (سچ خبریں) پنجاب کی سینئر وزیر مریم اورنگزیب کا کہنا ہے کہ پنجاب ملک کا پہلا صوبہ ہے جہاں چائلڈ پروٹیکشن پالیسی بنائی جا رہی ہے۔

لاہور میں عالمی یوم اطفال کے موقع پر تقریب سے خطاب کے دوران مریم اورنگزیب نے کہا کہ بچوں کے تحفظ کی ذمہ داری حکومت کی ہے۔

مریم اورنگزیب کا کہنا ہے کہ چائلڈ لیبر کے خاتمے کے لیے بھی اقدامات کیے جا رہے ہیں، معاشرے میں بچوں کے تحفظ سے متعلق شعور پیدا کرنے کی ضرورت ہے۔

مریم اورنگزیب نے یہ بھی کہا کہ بچوں کے تحفظ سے متعلق چائلڈ پروٹیکشن بیورو کا کردار بہت اہم ہے۔