پاک-امریکا انسداد دہشت گردی مذاکرات کل سے شروع ہوں گے

?️

اسلام آباد:(سچ خبریں) پاکستان اور امریکا کے درمیان انسداد دہشت گردی مذاکرات کے لیے ایک امریکی وفد آج اتوار کو اسلام آباد پہنچے گا۔ امریکی وفد کی آج آمد سے چند روز قبل ایک امریکی سرکاری رپورٹ میں خبردار کیا گیا تھا کہ دہشت گرد گروہ ایک بار پھر پاکستان اور افغانستان میں منظم ہو رہے ہیں۔

امریکی محکمہ خارجہ نے اعلان کیا کہ انسداد دہشت گردی کے قائم مقام کوآرڈینیٹر کرسٹوفر لینڈبرگ 6 سے 7 مارچ تک پاک-امریکا انسداد دہشت گردی مذاکرات میں شرکت کے لیے ایک انٹر ایجنسی وفد کی قیادت کریں گے۔

بیان میں مزید کہا گیا کہ ’امریکا اور پاکستان دونوں ممالک کو درپیش دہشت گردی کے مشترکہ خطرات پر تبادلہ خیال کریں گے اور سرحدی سلامتی اور دہشت گردی کی مالی معاونت کی روک تھام جیسے اہم امور میں تعاون کے حوالے سے پالیسی پر مبنی حکمت عملی تیار کریں گے۔

سفارتی ذرائع نے بتایا کہ گزشتہ ماہ واشنگٹن میں ہونے والے پاک-امریکا دفاعی مذاکرات میں انسداد دہشت گردی، دہشت گردی کی مالی معاونت اور انٹیلی جنس شیئرنگ جیسے معاملات پر بھی توجہ مرکوز کی گئی۔

امریکا کو توقع ہے کہ پاکستان دہشت گرد گروہوں کو افغانستان میں طالبان کے دور حکومت کے دوران دوبارہ جڑیں جمانے سے روکنے کی کوششوں کی حمایت کرے گا۔

پشاور اور کراچی میں حالیہ دہشت گرد حملوں کے بعد امریکا نے پاکستان کو کالعدم ٹی ٹی پی اور داعش خراسان جیسے انتہا پسند گروہوں کے خلاف جنگ میں مکمل تعاون کا یقین دلایا ہے۔

رواں ہفتے کے آغاز میں جاری ہونے والی ایک سرکاری رپورٹ میں خبردار کیا گیا تھا کہ کالعدم ٹی ٹی پی اور داعش خراسان ایک بار پھر پاکستان کے لیے بڑا خطرہ بن رہے ہیں۔

رپورٹ میں کہا گیا کہ ٹی ٹی پی فوج اور ریاست کے خلاف دہشت گردی کی مہم چلا کر حکومت پاکستان کو خیبر پختونخوا سے بےدخل کرنے اور شریعت نافذ کرنے کی کوشش کر رہی ہے۔

مشہور خبریں۔

مقبوضہ کشمیر میں بھارتی فوج کی دہشت گردی، مزید تین کشمیری نوجوانوں کو شہید کردیا

?️ 2 اپریل 2021سرینگر (سچ خبریں) مقبوضہ کشمیر میں بھارتی فوج کو دہشت گردی کی

پاک-ایران سرحدی علاقے میں دہشتگردوں کو ’تیسرے ملک‘ کی مدد حاصل ہے، ایرانی وزیر خارجہ

?️ 29 جنوری 2024اسلام آباد: (سچ خبریں) ایرانی وزیر خارجہ حسین امیر عبداللہیان نے کہا

لاہور ہائیکورٹ: پرویز الہٰی کو خفیہ مقدمات میں گرفتار نہ کرنے کا فیصلہ بحال

?️ 21 اگست 2023لاہور: (سچ خبریں) لاہور ہائیکورٹ کے دو رکنی بینچ نے پاکستان تحریک

امریکی ٹینکوں کی پہلی کھیپ تائیوان پہنچی

?️ 16 دسمبر 2024سچ خبریں: تائیوان کی فوج نے امریکہ سے کل 108 M1A2T ٹینک

ایران اور سعودی عرب کے درمیان معاہدے کی نئی تفصیلات کا انکشاف

?️ 19 مارچ 2023سچ خبریں:ایک سعودی اہلکار نے اعلان کیا کہ چینی صدر شی جن

چینی ٹیکسٹائل گروپ کا پاکستان سے برآمدات 10 ارب ڈالر تک بڑھانے کا اعلان

?️ 22 ستمبر 2024اسلام آ باد: (سچ خبریں) چینی ٹیکسٹائل گروپ نے پاکستان کے ٹیکسٹائل

پاکستانی سیٹلائٹ ’آئی کیوب قمر‘ سے پہلی تصاویر موصول

?️ 10 مئی 2024سچ خبریں: چاند پر بھیجے جانے والے پاکستان کے پہلے سیٹلائٹ ’آئی

غزہ کے خلاف امریکہ اور صیہونی حکومت کے خطرناک منصوبے

?️ 14 اکتوبر 2023سچ خبریں:مڈل ایسٹ نیوز ویب سائٹ نے ایک ذریعے کے حوالے سے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے