وزیراعلیٰ پنجاب نے 10 لاکھ ڈوز خریدنے کا اعلان کردیا

?️ 7 اپریل 2021

لاہور (سچ خبریں) وزیراعلیٰ پنجاب عثمان بزدار نے کہا کہ کورونا مریضوں کو آکسیجن کی فراہمی یقینی بنانے کیلئے وفاق سے رابطہ کیا ہے اور کورونا ویکسین خریدنے کیلئے ڈیڑھ ارب کے فنڈز مختص کیے گئے ہیں انہوں نے اعلان کیا ہے کہ مفت ویکسین لگانے کیلئے 10 لاکھ سے زائد ڈوزز خریدیں گے۔

تفصیلات کے مطابق پنجاب میں ویکسی نیشن سینٹرز کا دائرہ کار بڑھانے کا فیصلہ کیا گیا ہے۔وزیراعلیٰ کا کہنا تھا کہ  پنجاب میں کورونا ویکسی نیشن کیلئے مزید سینٹرز قائم ہوں گے جب کہ پنجاب میں 50 سال سے زائد عمر کے افراد کی رجسٹریشن شروع کردی گئی۔

وزیراعلیٰ پنجاب عثمان بزدار اسلام آباد پہنچ گئے، وزیراعلیٰ مشترکہ مفادات کونسل کے اجلاس میں شرکت کریں گے، عثمان بزدار ڈپٹی چیئرمین پلاننگ کمیشن سے بھی ملاقات کریں گے۔دوسری جانب وزیراعلیٰ پنجاب سردار عثمان بزدار نے لاہور برکی روڈ پر گیس دھماکے میں چار افراد کے جاں بحق ہونے پر گہرے رنج اور دکھ کا اظہارکیا ہے-

وزیر اعلی عثمان بزدارنے جاں بحق افراد کے لواحقین سے اظہار افسوس کرتے ہوئے برکی روڈ گیس دھماکے کی فوری رپورٹ طلب کر لی ہے- وزیر اعلی عثمان بزدار نے انتظامیہ کو ہدایت کی ہے کہ برکی روڈ کے مکان میں دھماکے کی وجوہات کا تعین کر کے رپورٹ پیش کی جائے-

دوسری جانب وزیر صحت ڈاکٹر یاسمین راشد کا کہنا ہے کہ کابینہ کی منظوری کے بعدپہلےمرحلہ میں 10لاکھ کوروناویکسین خریدی جائے گی، ٹیکنیکل ایڈوائزری گروپ 2دن میں  اپنی سفارشات پیش کرے گا۔

ویکسین تیاری کیلئےیونیورسٹی آف ویٹنری اینڈاینیمل سائنسز سےمشاورت جاری ہے۔انہوں نے کہا کہ پنجاب میں کوروناویکسین کی تیاری 6سے 10ماہ کے دوران ممکن ہوسکے گی، پنجاب میں کوروناویکسین کی تیاری کے بعد صوبے کیلئے ویکسین دستیاب ہوگی۔