وزیراعظم عمران خان نے قبضہ مافیا کے خلاف ٹھوس اقدامات اٹھانے کا فیصلہ کیا

?️ 23 نومبر 2021

اسلام آباد (سچ خبریں) تفصیلات کے مطابق وزیراعظم عمران خان نے قبضہ مافیا کے خلاف ٹھوس اقدامات کا فیصلہ کرتے ہوئے قبضہ مافیا سے سرکاری اراضی واپس لینے کے لیے ٹھوس پلان ایک ہفتے میں تیارکرنے کا حکم دے دیا۔ اس سلسلے میں وزیراعظم عمران خان کی زیرصدارت اجلاس منعقد کیا گیا ۔
اس اجلاس میں میں لاکھوں ایکٹر اراضی پر قبضہ ختم کروانے پر مشاورت کی گئی۔ اجلاس کے شرکا سے خطاب میں وزیراعظم عمران خان نے کہا کہ خلاف ورزی کے مرتکب کسی فرد سے رعایت نہ برتی جائے۔ وفاقی اور صوبائی محکمے مل کر سرکاری اراضی سے قبضے ختم کروائیں گے۔ دوران اھلاس وزیر اعظم عمران خان نے معاون خصوصی ملک امین اسلم کو پلان ترتیب دینے کا ہدف دیتے ہوئے حکم دیا کہ سرکاری اراضی واگزارکروانے کے لئے ایک ہفتے میں سفارشات مرتب کر لی جائیں تاکہ اس حوالے سے جلد از جلد کام شروع کیا جا سکے۔

میڈیا رپورٹ کے مطابق پہلے کیڈیسٹرل میپنگ کی مکمل کی گئی، جس کے بعد اب محکمے اپنی ذمہ داری پوری کریں گے۔ اجلاس میں پیش کی گئی رپورٹ میں بتایا گیا کہ قبضہ شدہ سرکاری اراضی کی مالیت 5 ہزار 595 ارب روپے بنتی ہے۔ جنگلات کی قبضہ شدہ ساڑھے سات لاکھ ایکٹر رقبے کی مالیت 1 ہزار 870 ارب روپے تک ہے۔

یہاں یہ بات قابل ذکر ہے کہ وزیراعظم عمران خان نے دو روز قبل بھی قبضہ مافیا کے خلاف اعلان جنگ کیا تھا۔ وزیراعظم عمران خان نے کہا کہ کراچی ،لاہور اسلام آباد اورریاست کی تقریباً 5595 ارب کی مالیت کی زمین پرقبضہ ہے ۔ قبضہ مافیا اور ان کے سہولت کاروں کے خلاف سخت ایکشن لیا جائے گا۔ انہوں نے کہا تھا کہ درست ڈیجیٹل میپنگ کے بعد قبضہ مافیا کے خلاف سخت کاروائیاں کی جائیں گی۔