وزیر اعظم نے الیکٹرانک ووٹنگ کے عمل کو شفاف انتخابات کا راستہ قرار دیا

?️ 24 جون 2021

اسلام آباد (سچ خبریں) وزیراعظم عمران خان نے الیکٹرانک ووٹنگ کے عمل کو شفاف انتخابات کا راستہ قرار دیتے ہوئے  کہا ہے کہ الیکٹرانک ووٹنگ کا عمل شفاف انتخابات کا راستہ ہے، انتخابی دھاندلی کو پہلی بار روکنے کیلئے حکومت بھرپور کوشش کر رہی ہے۔

تفصیلات کے مطابق وزیراعظم عمران خان سے مشیر پارلیمانی امور ڈاکٹر بابر اعوان کی ملاقات ہوئی ، ملاقات وزیراعظم ہاؤس میں ہوئی، آئینی، سیاسی اور قانونی امور پر تبادلہ خیال کیا گیا جبکہ بجٹ سیشن اور الیکٹرانک ووٹنگ سے متعلق امور پر بھی مشاورت کی گئی۔

بابر اعوان نے الیکٹرانک ووٹنگ سے متعلق پیش رفت سے وزیراعظم کو آگاہ کیا، جس پر وزیراعظم عمران خان نے کہا کہ الیکٹرانک ووٹنگ کا عمل شفاف انتخابات کا راستہ ہے، دونوں ایوانوں میں اس پراسس پر قوم کی نظریں ہیں، انتخابی دھاندلی کو پہلی بار روکنے کیلئے حکومت بھرپور کوشش کر رہی ہے۔

مشیر پارلیمانی امور ڈاکٹر بابر اعوان کا کہنا تھا کہ الیکٹرانک ووٹنگ انتخابی عمل کا مستقبل ہےہرصورت قانون سازی ہونی چاہیے، اوورسیزکوووٹنگ کا حق دینےکیلئےقانون سازی حتمی مرحلےمیں ہے۔

بابر اعوان نے مزید کہا کہ الیکشن کمیشن سمیت اسٹیک ہولڈرزکو اعتماد میں لیا جا رہا ہے، شفاف انتخابات،اوورسیز سےکیاوعدہ ہرصورت پوراکیاجائے گا ،اپوزیشن کے ہتھکنڈے منشور پر عملدرآمد سے نہیں روک سکتے۔