نیٹ میٹرنگ ختم ، نئی سولر پالیسی میں بجلی واپس خریدنے کی شرح طے کرلی گئی

?️ 14 جولائی 2025

اسلام آباد: (سچ خبریں) نیٹ میٹرنگ ختم،نئی سولر پالیسی میں بجلی واپس خریدنے کی شرح طے کرلی گئی، نئی سولر پا لیسی جلد وزیراعظم کو پیش کی جائے گی نئی پالیسی نیپرا منظوری کے بعد کابینہ میں پیش کی جائیگی ، بجلی واپسی نرخ 11.33 روپے فی یونٹ مقرر، پرانے سولر صارفین 27 روپے پر ہی بجلی بیچتے رہیں گے، میڈیا رپورٹس کے مطابق واپسی نرخ اس کا ایک تہائی ہوگا۔

پالیسی کے تحت سولر پینل پر نیٹ میٹرنگ ختم کرکے گراس میٹرنگ نافذ کی جائیگی۔ نیٹ میٹرنگ سے 103 ارب کا بوجھ پڑا۔آئندہ بجلی کا جو بھی نرخ ہوگا واپسی نرخ ایک کا تہائی ہوگا۔ پاور ڈویژن کے مطابق 8500 میگاواٹ بجلی سسٹم میں لانے کا ہدف ہے اس سے قبل یہ خبر سامنے آئی تھی کہ سرمایہ کاروں نے نیٹ میٹرنگ کی فی یونٹ قیمت میں کمی کو مسترد کر دیا تھا۔

خیال رہے کہ اس سے قبل بھی نیٹ میٹرنگ پالیسی کو تبدیل کرنے کا فیصلہ کیا گیا تھا۔ حکومت نے سولر توانائی کے بڑھتے رجحان کے پیش نظر نیٹ میٹرنگ پالیسی تبدیل کرنے کا فیصلہ کیا تھا جس کیلئے سمری تیار کی گئی تھی۔ ذرائع کا کہنا تھا کہ نیٹ میٹرنگ پا لیسی کو بجٹ کے بعد وفاقی کابینہ سے منظور کرایا جائے گا، میڈیا رپورٹس کے مطابق صارف کو 22 روپے فی یونٹ کی بجائے 10 روپے نقد ادائیگی کی تجویز دی گئی ہے۔

ذرائع وزارت توانائی کے مطابق نئی پالیسی پر غور جاری تھا۔حتمی فیصلہ مشاورت کے بعد ہو گا۔ فیصلہ صارفین کے مفاد کو مدنظر رکھ کر کیا جائے گا۔ ملک میں اس وقت 5 ہزار میگاواٹ تک سولر انرجی پیدا ہو رہی ہے۔ ذرائع کا کہنا تھا کہ لاہور الیکٹرک سپلائی کمپنی میں سولر پر 1400 میگاواٹ بجلی بن رہی ہے۔ دوسری جانب وفاقی وزیر برائے پاور ڈویژن اویس لغاری کی صدارت میں اہم اجلاس ہوا تھا جس میں نیٹ میٹرنگ ریگولیشز کے حوالے سے غور کیا گیا۔

حکومت نے نیٹ میٹرنگ ریگولیشز کے حوالے سے کوئی بھی تبدیلی سٹیک ہولڈرز کی مشاورت سے کرنے کا فیصلہ کیا تھا۔اجلاس میں سولر ایسوسی ایشن، صوبائی حکومتوں کے نمائندے اور متعلقہ سٹیک ہولڈرز نے شرکت کی تھی۔ وفاقی وزیر توانائی کی زیر صدارت اجلاس میں سٹیک ہولڈرز کی جانب سے دی گئی تجاویز کا تفصیلی جائزہ لیا گیا۔ اجلاس میں گفتگو کرتے ہوئے وفاقی وزیر اویس لغاری نے کہا کہ حکومت کسی بھی کاروبار کو نقصان نہیں پہنچائے گی۔

ریگولیشز میں کوئی بھی تبدیلی صارفین کے تحفظ کو مدنظر رکھ کر کی جائے گی۔انہوں نے کہا کہ 2017-18میں انہوں نے خود نیٹ میٹرنگ کو متعارف کرانے میں اہم کردار ادا کیا اور اس وقت یہ نظام ابتدائی مرحلے میں تھا اب جبکہ نیٹ میٹرنگ کا دائرہ وسیع ہو چکا ہے اس کے گرڈ پر سنجیدہ اثرات مرتب ہو رہے ہیں جن کا بروقت تدارک ضروری ہے۔سٹیک ہولڈرز قومی گرڈ کے تحفظ کے حوالے سے اقدامات کو مدنظر رکھا جائے گا۔وفاقی وزیر برائے توانائی کامزید یہ بھی کہنا تھا کہ حکومت نے 9000 میگاواٹ کے مہنگے اور غیر ضروری منصوبوں کو ختم کیاجو بجلی کے نظام پر بوجھ بن رہے تھے۔