نیوکلیئر تھریٹ کی بات پر بھارت جھوٹ بول رہا ہے۔ خواجہ آصف

?️ 11 اگست 2025

اسلام آباد (سچ خبریں) وزیر دفاع خواجہ آصف نے کہا ہے کہ نیوکلیئر تھریٹ کی بات پر بھارت جھوٹ بول رہا ہے۔

تفصیلات کے مطابق وفاقی دارالحکومت سے جاری اپنے ایک بیان میں خواجہ آصف نے کہا ہے کہ مودی کا بیڑہ غرق ہوگیا ہے، بھارت کی جانب سے بے بنیاد گفتگو کی گئی، ایک ایشو بنانے کی کوشش کی جارہی ہے، نریندر مودی پوری دنیامیں رسوا ہوچکا ہے۔ انہوں نے کہا کہ راہول گاندھی سمیت بھارت میں کئی لوگ مودی کے خلاف بات کررہے ہیں، کس ملک کے پاس کتنے جہاز ہیں، ریکارڈ موجود ہوتا ہے، فیلڈ مارشل نے نیوکلیئرتھریٹ کی بات نہیں کی بھارت جھوٹ بول رہا ہے۔

ذرائع کے مطابق وزیر دفاع کا کہنا تھا کہ بھارتی وزیراعظم اپنی رسوائی چھپانے کی ناکام کوشش کررہا ہے، پوری دنیا سے جو پریشر بھارت پر آرہا ہے، مودی اس کو ڈیل نہیں کر پا رہا، ساری دنیا کو پتہ ہے بھارت کے خلاف پاکستان کو کامیابی ملی۔ خواجہ آصف نے کہا کہ ہم نےبھارت کے وہ جہازگرائے جنہوں نے پے لوڈ گرایا تھا، ہمارے وسائل کم تھے پھر بھی اللہ نے بھارت کے خلاف ہمیں فتح دی۔

ان کا کہنا تھا کہ ہائبرڈ نظام کی گفتگو پرمجھ پر بہت تنقید بھی ہوتی ہے، پاکستان کا موجودہ نظام ہر لحاظ سے بہترین کام کررہا ہے، شہبازشریف نے جو راستہ اپنایا یہ ملک اور اداروں کیلئے بہترین ہے۔