مہنگائی 38 فیصد سے کم ہو کر سنگل ڈیجٹ میں آگئی ہے۔ اسحاق ڈار

?️ 11 جولائی 2025

اسلام آباد (سچ خبریں) نائب وزیراعظم اور وزیر خارجہ اسحاق ڈار نے کہا ہے کہ مہنگائی 38 فیصد سے کم ہوکرسنگل ڈیجٹ میں آگئی ہے۔

تفصیلات کے مطابق کوالالمپور میں پاکستانی کمیونٹی کی تقریب سے خطاب کرتے ہوئے انہوں نے کہ بیرون ملک مقیم پاکستانی ملک کے سفیر ہیں،اوورسیز پاکستانیوں کا معیشت کی ترقی میں اہم کردار ہے۔ اسحاق ڈار نے کہا کہ بھارت پاکستان کا پانی روک سکتا ہے ہی نہ اس کا رخ موڑ سکتا ہے، سندھ طاس معاہدہ معطل کرنے پر بھارت کیلئے فضائی حدود بند کی، بھارت نے پہلگام فالز آپریشن کا الزام پاکستان پرعائد کیا۔

ذرائع کے مطابق انہوں نے کہا کہ قومی سلامتی کی کمیٹی میں بھارت کومنہ توڑ جواب دینے کا فیصلہ کیا گیا، بھارت نے اٹاری بارڈر بند کیا اور ہم نے واہگہ بارڈر بند کیا۔ نائب وزیراعظم و وزیر خارجہ نے کہا کہ پاکستان اور ملائیشیا کے درمیان بہترین تعلقات ہیں، پاکستان نے مشکل حالات میں ٹیک آف کیا،2016میں پاکستان کی شرح نمو3.6 فیصد تھی، تاریخ میں پہلی بار آئی ایم ایف ریفارمزپروگرام مکمل ہوا۔

انہوں نے کہا کہ 2022 میں پاکستان دیوالیہ ہونے کے قریب تھا، وزیر خارجہ اسحاق ڈار نے کہا کہ 2018 تک دنیا کی 24 ویں بڑی معیشت بن چکے تھے، انہوں نے کہاکہ پاکستان کو جی 20 میں شامل کرنا ہمارا ہدف ہے۔

نائب وزیراعظم نے کہاکہ مہنگائی 38 فیصد سے کم ہو کر سنگل ڈیجٹ میں آ گئی ہے، پاکستان کی معیشت استحکام کی جانب گامزن ہے، 16ویں ماہ میں پالیسی ریٹ 22 سے 11 فیصد پر آ چکا ہے۔