ملک کے مختلف شہروں میں کورونا  وائرس کے پھیلاؤ کی شرح میں اضافہ

?️ 18 جولائی 2021

اسلام آباد(سچ خبریں) عالمی وباء کوروناوائرس کی چوتھی لہر ملک بھر میں آہستہ آہستہ پھیل رہی ہے، مختلف شہروں میں وبا کے پھیلاؤ کی شرح میں اضافہ دیکھا گیا ہے۔ کورونا کیسز کی یومیہ شرح میں گلگت پہلے نمبرپر ہے، وفاقی دارالحکومت میں مثبت کیسزکی یومیہ شرح8.45 فیصد ریکارڈ کی گئی۔

ذرائع کے مطابق ملک کے 2 اضلاع میں کورونا کیسز کی یومیہ شرح 20 فیصد سے زائد ہوگئی، ملک میں کورونا کی یومیہ بلند ترین 35 فیصد شرح گلگت میں ہے، چاروں صوبوں کے22 اضلاع کورونا سے متعلق اہم ہیں، دیامر میں کورونا کیسز کی یومیہ شرح 5.19 فیصد ہے، ملک کے 5اضلاع میں کورونا کیسز کی یومیہ شرح ایک فیصد ہے۔

مظفر آباد میں کورونا کیسز کی شرح 17.12، میرپور میں6.45 فیصد، کراچی میں 23.32 فیصد، حیدرآباد میں5.58 اور وفاقی دارالحکومت میں مثبت کیسزکی یومیہ شرح8.45 فیصد ریکارڈ کی گئی۔اسی طرح پشاور میں کورونا کیسز کی شرح 13.16، نوشہرہ میں6فیصد ہے۔

ایبٹ آبادمیں کوروناکیسز کی شرح 1.95،چارسدہ میں1.47فیصد، صوابی میں 3.3 فیصد، سوات میں0.34، ملتان میں 1.26 فیصد، بہاولپورمیں 0.28 فیصد اور راولپنڈی میں کورونا کیسز کی شرح11.32 فیصد دیکھ جارہی ہے۔کورونا کے پھیلاؤ کی شرح لاہور میں2.65فیصد، گوجرانوالہ میں 0.48 فیصد اور گجرات میں0.33 فیصد ہے۔ واضح رہے کہ کورونا کیسز کے اضافہ کے حوالے سے حکومتی عہدیداروں نے عوام کو خبردار کیا ہے کہ وہ احتیاطی تدابیر اپنائیں۔