ملک بھر میں عیدالفطر پر مذہبی جوش و خروش، نماز کے اجتماعات، ملکی سلامتی کیلئے دعائیں

🗓️

اسلام آباد: (سچ خبریں) ملک بھر میں آج عید الفطر مذہبی جوش و جذبے کے ساتھ منائی جارہی ہے، اسلام آباد، لاہور پشاور، کوئٹہ اور کراچی سمیت ملک کے چھوٹے بڑے شہروں میں نماز عید کے روح پرور اجتماعات ہوئے، ان اجتماعات میں بڑی تعداد میں شہریوں نے شرکت کی۔

ڈان نیوز کے مطابق نماز عید کی ادائیگی کے بعد ملک کی سلامتی، ترقی و خوشحالی اور امت مسلمہ بالخصوص فلسطین کے مظلوم مسلمانوں کے لیے خصوصی دعائیں کی گئیں، نماز عید کے اجتماعات میں میں اہم حکومتی اور دیگر سیاسی و سماجی شخصیات نے شرکت کی۔

اسلام آباد میں نماز عید کا سب سے بڑا اجتماع فیصل مسجد میں ہوا، جہاں سیاسی شخصیات اور شہریوں نے نماز عید ادا کی۔

وزیراعظم شہباز شریف نے نماز عید لاہور میں ادا کی، وفاقی وزیر اطلاعات و نشریات عطااللہ تارڑ اور سابق وزیراعلیٰ پنجاب حمزہ شہباز نے وزیراعظم کے ہمراہ نماز عید ادا کی۔

وزیراعظم نے ملک کی سلامتی اور خوشحالی کے لیے دعا بھی کی۔

صدر مملکت آصف علی زرداری نے شہید بینظیر آباد (سابق نواب شاہ) جب کہ چیئرمین پیپلزپارٹی بلاول بھٹو نے نماز عید لاڑکانہ میں ادا کی۔

صدر مسلم لیگ (ن) میاں محمد نواز شریف نے جاتی امرا میں اہل خانہ اور کارکنان کے ہمراہ نماز عید ادا کی۔

انہوں نے مرحوم کلثوم نواز کی قبر پر فاتحہ خوانی بھی کی، اس دوران وزیراعلیٰ پنجاب مریم نواز بھی ان کے ہمراہ تھیں۔

کراچی میں گرومندر سبیل کی مسجد میں نماز عید الفطر کا بڑا اجتماع ہوا، اس کے علاوہ پولو گراؤنڈ، طوبیٰ مسجد (المعروف گول مسجد) ڈیفنس میں بھی نماز عید کا بڑا اجتماع ہوا۔

لاہور کے باغ جناح اور مینار پاکستان میں بھی عید کے نماز کے اجتماعات ہوئے، لاہور کی بادشاہی مسجد میں بھی نماز عید کا بڑا اجتماع ہوا، مولانا عبدالخبیر آزاد نے نماز عید پڑھائی، نماز عید میں بڑی تعداد میں شہریوں نے شرکت کی۔

راولپنڈی میں نماز عید کا سب سے بڑا اجتماع لیاقت باغ میں ہوا، جس میں سابق وزیر داخلہ شیخ رشید بھی شریک ہوئے۔

پشاور میں عید الفطر کی نماز مرکزی عید گاہ چارسدہ روڈ پر ادا کی گئی، وزیراعلیٰ خیبر پختونخوا علی امین گنڈاپور نے آبائی علاقے ڈیرہ اسماعیل خان میں نماز عید ادا کی۔

نماز عید کے اجتماع میں ملکی سلامتی، خوشحالی، قومی یکجہتی، امت مسلمہ کے اتحاد اور شہدا کے درجات کی بلندی کے لیے خصوصی دعائیں کی گئیں، نماز عید کے بعد وزیراعلیٰ علی امین گنڈاپور نمازیوں سے عید ملے اور ان سے عید کی مبارکباد وصول کی۔

وفاقی وزیرِ داخلہ محسن نقوی نے قوم کو عید الفطر کی مبارک باد دی ہے۔

اپنے پیغام میں محسن نقوی نے کہا کہ اللّٰہ امت مسلمہ کو اتحاد، محبت اور بھائی چارے کی توفیق عطا فرمائے، عید ہمیں محبت، احساس، رواداری کے اصولوں کو اپنانے کا درس دیتی ہے۔

انہوں نے کہا کہ عید پر ضرورت مندوں اور کمزور طبقات کو یاد رکھنا چاہیے۔

ملک بھر میں نماز عید الفطر کے روح پرور اجتماعات

شہدائے وطن کو عیدالفطر پر یاد رکھیں، محسن نقوی

وفاقی وزیر داخلہ محسن نقوی نے کہا ہے کہ شہدائے وطن کو عید الفطر پر یاد رکھیں اور شہدا کے خاندانوں کے ساتھ یکجہتی کا اظہار کریں۔

وفاقی وزیرِ داخلہ نے عیدالفطر پر اپنے پغام میں کہا کہ قانون نافذ کرنے والے ادارے آپ کی سلامتی کے لیے ہر ممکن اقدامات کر رہے ہیں، جب کہ باہمی اختلافات کو پس پشت ڈال کر قومی یکجہتی کو فروغ دینے کی ضرورت ہے۔

رمضان میں عوام کی خدمت پر مامور رہے، گورنر سندھ

گورنر سندھ کامران خان ٹیسوی نے گورنر ہاؤس میں عید الفطر کی نماز ادا کی، نماز کے بعد انہوں نے میڈیا سے گفتگو میں کہا کہ گورنر ہاؤس میں اس ماہ مبارک کے دوران 10 لاکھ لوگوں کے لیے افطار ڈنر کا اہتمام کیا گیا۔

گورنر سندھ کامران ٹیسوری نے کہا کہ عالم اسلام، اہل وطن اور اوورسیز پاکستانیوں کو عید الفطر کی مبارکباد پیش کرتا ہوں، اللہ تعالیٰ نے پورے رمضان ہمیں عوام کی خدمت پر مامور رکھا۔

انہوں نے کہا کہ عوام میں روزایک پلاٹ، عمرےکا ٹکٹ اور دیگر انعامات تقسیم کیے گئے، ان کا کہنا تھا کہ مجھےخالدمقبول صدیقی سمیت پوری پارٹی کی مکمل حمایت حاصل ہے۔

انہوں نے کہا کہ جب تک اللہ نے اس منصب پر رکھا ہے، عوام کی خدمت کرتے رہیں گے۔

گورنر سندھ نے کہا میں نے اور میری فیملی نے عید پر کپڑے نہیں لیے، میں نے کہا تھا عید سادگی سے منائی جائے، کراچی میں 100 سے زائد افراد ڈمپر تلے کچلے گئے، ایسا دنیا کے کسی ملک میں نہیں ہوتا، ڈمپر حادثات پر چیف جسٹس پاکستان اور صدر مملکت کو خط بھی لکھا تھا۔

مسلح افواج کی قوم کو عیدالفطر کی مبارکباد

چیئرمین جوائنٹ چیفس آف اسٹاف اور سروسز چیفس نے قوم کو عیدالفطر کی مبارکباد دی ہے۔

انٹر سروسز پبلک ریلیشن (آئی ایس پی آر) کی جانب سے جاری بیان میں کہا گیا ہے کہ پاک فوج کی عید کی اصل خوشی قوم کے دفاع کی ذمہ داری سنبھالنےمیں ہے۔

ترجمان پاک فوج کے بیان کے مطابق مادر وطن کے دفاع پر تعینات اہلکار امن اور خوشحالی کے فروغ کے لیے کوشاں ہیں۔

آئی ایس پی آر کے بیان میں مزید کہا گیا ہے کہ پاک فوج اپنے سپاہیوں کی قربانیوں اور ان کے اہل خانہ کے غیرمتزلزل تعاون کی قدر کرتی ہے۔

امریکی قونصل جنرل کی پاکستانیوں کو مبارکباد

کراچی میں امریکی قونصل جنرل اور سفارتی عملے ارکان نے تمام پاکستانیوں کو عید کی مبارکباد دی، اپنے وڈیو پیغام میں امریکی قونصل جنرل نے تمام پاکستانیوں کو عید کی مبارکباد پیش کی، اور نیک تمناؤں کا اظہار کیا۔

مشہور خبریں۔

لاس اینجلس آتشزدگی: غزہ کی تباہی پر خوش ہونے والے ہالی وڈ اداکار کا گھر بھی جل کر راکھ

🗓️ 10 جنوری 2025سچ خبریں: امریکی ریاست کیلی فورنیا کے شہر لاس اینجلس میں لگی

روسی ویکسین جتنی جلد لوگوں کو لگ سکتی ہے، لگائی جائے: سندھ ہائی کورٹ

🗓️ 1 اپریل 2021کراچی(سچ خبریں) سندھ ہائیکورٹ نے روسی کورونا ویکسین اسپوٹنک فائیو کے حوالے

نیتن یاہو کی جسمانی حالت کیسی ہے؟ اسرائیلی پروفیسر کا انکشاف

🗓️ 17 جولائی 2023سچ خبریں:ماہر نفسیات اور درد کی دوا کے ماہر پروفیسر روی کارسو

ڈیمز فنڈز حکومت کے بجائے ڈیمز کیلئے ہی استعمال ہونا چاہیے، سابق اٹارنی جنرل

🗓️ 9 اکتوبر 2024اسلام آباد: (سچ خبریں) سپریم کورٹ میں دیامیر بھاشا اور مہمند ڈیمز

جنرل سلیمانی دنیا کے ممالک کے حکام کی نظر میں

🗓️ 4 جنوری 2022سچ خبریں:جنرل سلیمانی کی شہادت کے دو سال بعد دنیا کی قوموں

متعدد ممالک میں امریکی سفارتکار پراسرار بیماریوں میں مبتلا

🗓️ 19 جولائی 2021سچ خبریں:امریکی میڈیا کا کہنا ہے کہ متعدد ممالک میں تعینات ریاستہائے

عدالت کا فوکس صرف ڈپٹی سپیکر کی رولنگ پر ہے:چیف جسٹس

🗓️ 5 اپریل 2022اسلام آباد:(سچ خبریں)غیر معمولی سیاسی صورتحال پر سپریم کورٹ کے ازخود نوٹس

پشاور کے دہشت گردانہ حملے پر حزب اللہ کا رد عمل

🗓️ 5 مارچ 2022سچ خبریں:لبنانی حزب اللہ نے ایک بیان جاری کر کے پاکستانی شہر

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے