مل مالکان اور سٹاک مافیا گندم بیرون ملک سے منگوا کر کسان پر بڑا ظلم کرنے جا رہے ہیں

?️

لاہور: (سچ خبریں) اپوزیشن لیڈر پنجاب اسمبلی نے انکشاف کیا ہے کہ مل مالکان اور سٹاک مافیا گندم بیرون ملک سے منگوا۔ تفصیلات کے مطابق پاکستان تحریک انصاف کے رہنما اور پنجاب اسمبلی میں اپوزیشن لیڈر ملک احمد خان بھچر نے گندم کی امپورٹ کے حوالے سے اہم انکشاف کیا ہے۔

اپوزیشن لیڈر کا کہنا ہے کہ مل مالکان اور سٹاک مافیا گندم بیرون ملک سے منگوا کر کسان پر بڑا ظلم کرنے جا رہے ہیں، ہم اس ظلم کے خلاف اٹھ کھڑے ہوں گے اور سڑکوں پر بھرپور احتجاج کریں گے۔

جبکہ میڈیا رپورٹس کے مطابق عید کے بعد پنجاب کی گندم مارکیٹ میں آنے والی نئی فصل کی قیمت کریش کر گئی ہے۔ میڈیا رپورٹس کے مطابق سندھ کی گندم کی فصل مارکیٹ میں آنے کے بعد پنجاب میں کسانوں کیلئے اپنی گندم کی فصل کی مناسب قیمت حاصل کرنا بہت مشکل ہو گیا۔

حکومت کی جانب سے گندم کی امدادی مقرر نہ کیے جانے کے فیصلے نے بھی گندم کا ریٹ گرا دیا۔

اس وقت پنجاب میں کسانوں کی فی من گندم کا 2100 سے 2300 روپے تک کا ریٹ دیا جا رہا ہے۔ مرکزی کسان تحریک نے حکومت کی طرف سے گندم کی امدادی قیمت کا اعلان نہ کرنے اور اوپن مارکیٹ میں گندم کی 2300فی من فروخت ہونے کی شدید مذمت کی ہے۔ مرکزی کسان تحریک کے صدر اشفاق ورک اور جنرل سیکرٹری میاں طیب نے اپنے بیان میں کہا کہ پنجاب کے مختلف اضلاع میں گندم کی کٹائی کا آغاز ہو چکا ہے، تاہم حکومت کی طرف سے ابھی تک گندم کی امدادی قیمت کا اعلان نہیں کیا گیا ہے۔

اوپن مارکیٹ میں گندم 2300 روپے فی من کے حساب سے فروخت ہورہی ہے، جس سے کسانوں کو شدید مالی نقصان کا سامنا ہے۔دوسری طرف فلور ملز والے بھی صرف ضرورت کے تحت ہی گندم خرید رہے ہیں، جو کسانوں کے لیے مزید مشکلات کا سبب بن رہا ہے۔ حکومت کسانوں کے مفادات کا تحفظ اور ان سے گندم خرید کر اپنے وعدے کا پاس کرے تاکہ کسانوں کو ان کی محنت کا مناسب معاوضہ مل سکے۔

انہوں نے کہا کہ کسان اپنی گندم کو ذخیرہ کرنے کی مناسب سہولت نہ ہونے کے سبب اپنی فصل کو کھلے آسمان تلے رکھنے پر مجبور ہیں، جس کی وجہ سے گندم کی فصل خراب ہونے کا خدشہ ہے اور انہیں ناقابل تلافی مالی نقصان اٹھانا پڑ سکتا ہے۔ اس صورتحال میں کسان اپنی فصل کو اونے پونے داموں فروخت کرنے پر مجبور ہیں، جس سے ان کی معاشی حالت مزید بدتر ہوتی جا رہی ہے۔

انہوں نے کہا کہ ایک طرف حکومت کہہ رہی ہے کہ گندم نہیں خریدے گی، جبکہ دوسری طرف بیرون ملک سے گندم خریدنے کی بات کی جا رہی ہے۔ یہ حکومتی دوہری پالیسی کی عکاسی کرتا ہے جس سے نہ صرف کسانوں کا استحصال ہو رہا ہے بلکہ ملکی معیشت بھی متاثر ہو رہی ہے اور پاکستان کا قیمتی زرمبادلہ بھی بیرون ملک منتقل ہو رہا ہے۔ انہوں نے حکومت سے مطالبہ کیا کہ حکومت کسانوں کے مفادات کا تحفظ کرے اور کسانوں سے گندم خرید کر اپنے وعدے کا پاس کرے تاکہ کسانوں کو ان کی محنت کا مناسب معاوضہ مل سکے۔ اس کے ساتھ ساتھ، گندم کی ذخیرہ اندوزی کے لیے کسانوں کو سہولت فراہم کی جائے تاکہ وہ اپنی فصل کو کھلے آسمان تلے رکھنے سے بچ سکیں اور نقصان سے بچ سکیں۔

مشہور خبریں۔

ریابکوف: ایٹمی تصادم کا خطرہ مکمل طور پر ختم نہیں ہوا ہے

?️ 27 دسمبر 2025سچ خبریں: روس کے نائب وزیر خارجہ نے ایک انٹرویو میں جوہری

اسرائیل خطہ کے لیے مصیبت ساز اور عدم استحکام کا سبب ہے، ایران نہیں: ترکی الفیصل

?️ 7 دسمبر 2025سچ خبریں: ابوظبی میں منعقدہ ایک بین الاقوامی کانفرنس سے خطاب کرتے

اسلام آباد ہائیکورٹ: بشریٰ بی بی کے خلاف توشہ خانہ ٹو کیس، ایف آئی اے کو نوٹس جاری

?️ 16 ستمبر 2024اسلام آباد: (سچ خبریں) اسلام آباد ہائیکورٹ کے جج جسٹس میاں گل

اسرائیلی رہنماؤں کی حالیہ دھمکیاں جھوٹ ہیں:صہیونی میڈیا

?️ 25 مئی 2023سچ خبریں:یدیعوت احرانوت اخبار نے اپنے ایک نوٹ میں ایران اور حزب

امریکہ نے قطر کو دھوکہ دیا؛ عرب ممالک کے لیے خطرے کی گھنٹی بج چکی ہے : یمنی تجزیہ کار

?️ 21 ستمبر 2025سچ خبریں: اسرائیلی ریجنٹ کے حالیہ دوحہ پر ہوائی حملے، جس میں امریکی

افغانستان کا فیصلہ ہم نے نہیں افغان فریقوں نے کرنا ہے

?️ 17 جولائی 2021راولپنڈی (سچ خبریں) ڈی جی آئی ایس پی آر میجر جنرل بابر

مولانا فضل الرحمن کے غیر فعال مجلس عمل کے رہنماؤں سے رابطے

?️ 22 جولائی 2025اسلام آباد (سچ خبریں) جمعیت علمائے اسلام ف کے سربراہ مولانا فضل

کراچی حملے میں ملوث عناصر پاکستانی نہیں ہوسکتے، یہ ملک دشمن ہیں، وزیراعظم

?️ 7 اکتوبر 2024اسلام آباد: (سچ خبریں) وزیراعظم شہباز شریف نے کراچی ایئرپورٹ دھماکے میں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے