مشرق وسطی میں دیرپا امن اور استحکام کے لیے مکالمہ ضروری ہے۔ صدر مملکت

?️ 23 جون 2025

اسلام آباد (سچ خبریں) صدر مملکت آصف علی زرداری نے مشرقِ وسطی میں کشیدگی پر اظہار تشویش کرتے ہوئے کہا ہے کہ مشرقِ وسطی میں دیرپا امن اور استحکام کے لیے مکالمہ ضروری ہے۔

تفصیلات کے مطابق ایک بیان میں انہوں نے کہا کہ مشرقِ وسطی کی صورتحال بے قابو ہو سکتی ہے، لاکھوں معصوم جانوں کو خطرہ ہے ،تمام فریقین زیادہ سے زیادہ تحمل کا مظاہرہ کریں۔

دوسری جانب ترجمان دفتر خارجہ نے اپنے بیان میں کہا کہ امریکی حملوں سے خطے میں خطرناک حد تک کشیدگی بڑھنے کا خدشہ ہے، جس کے خطے اور دنیا پر سنگین اثرات مرتب ہوں گے۔

شفقت علی خان کا کہنا تھا کہ ان حملوں کو اسرائیل کے پے در پے حملوں کا تسلسل سمجھتے ہیں، ہمیں خطے میں کشیدگی میں مزید اضافے پر گہری تشویش ہے۔

ترجمان نے شہریوں کے جان و مال کے تحفظ پر زور دیتے ہوئے جنگ بندی کا مطالبہ کیا اور کہا کہ اقوام متحدہ کے چارٹر کے مطابق مذاکرات اور سفارتکاری ہی مسائل کا واحد حل ہیں۔ فریقین سے بین الاقوامی انسانی قوانین کی پاسداری کریں۔