لاہور کے دل میں معصوم جان کا ضیاع حادثہ نہیں بلکہ سنگین جرم ہے۔ مریم نواز

?️ 30 جنوری 2026

لاہور (سچ خبریں) وزیراعلی پنجاب مریم نواز شریف نے کہا ہے کہ لاہور کے دل میں معصوم جان کا ضیاع حادثہ نہیں بلکہ سنگین جرم ہے۔

سماجی رابطے کی سائٹ ایکس پر اپنے پیغام میں وزیراعلیٰ پنجاب مریم نواز کا کہنا تھا کہ یہ واقعہ میرے لیے شدید شرمندگی کا باعث بنا، نااہلی چھپانے کیلئے حقائق مسخ کیے گئے۔ مریم نواز نے کہا کہ کھلے مین ہول کو محفوظ نہ بنانے والے افسر عہدے کے اہل نہیں، انصاف کی فراہمی تک چین سے نہیں بیٹھوں گی۔

وزیراعلیٰ پنجاب نے کہا کہ 2 بیٹیوں کے خون کا حساب ضرور لیا جائے گا، ذمہ دار ہر افسر کو قانون کے مطابق سزا دی جائے گی۔ مریم نواز کا کہنا تھا کہ غفلت اور لاپرواہی سے قیمتی جان ضائع ہوئی، حقیقت دبانے کی کوشش سب سے زیادہ تکلیف دہ ہے، غافل اور بے ایمان افسران کا دور ختم ہو چکا۔

وزیراعلیٰ پنجاب نے کہا کہ متاثرہ خاندان کو انصاف کے بجائے ہراساں کیا گیا، پنجاب میں ہرجان قیمتی ہے، افسر کتنا ہی طاقتور کیوں نہ ہو۔