فرخ حبیب کابلاول زرداری کے بیان پر ردعمل

?️ 4 نومبر 2021

اسلام آباد(سچ خبریں) فرخ حبیب نے پی پی چیئرمین بلاول زرداری کے  بیان پر اپنے ردعمل کا اظہار کرتے ہوئے کہاہے کہ 13 سال سے سندھ میں حکومت کرنے والی پیپلزپارٹی عوام کو صحت کارڈ تک نہ دے سکی اور نہ ہی راشن سپورٹ پروگرام میں سندھ حکومت اپنا حصہ ڈال رہی ہے۔

تفصیلات کے مطابق وزیر مملکت فرخ حبیب نےبلال بھٹو کے بیان کا جواب دیتے ہوئے کہا ہے کہ  راشن سپورٹ پروگرام میں بھی سندھ حکومت اپنا حصہ نہیں ڈال رہی جبکہ پنجاب، کے پی، گلگت بلتستان اور آزاد کشمیر حکومت عوام کو صحت کارڈ دے رہی ہیں۔

واضح رہے کہ وزیراعظم عمران خان کےخطاب پر رد عمل دیتے ہوئےپیپلز پارٹی کے چیئرمین بلاول زرداری کا کہنا تھا کہ پی ٹی آئی والے جھوٹے ہیں، یہ ریلیف کے نام پر تکلیف دیتے ہیں۔ بلاول نے کہا کہ تین سالوں میں گیس کی قیمت میں 300 فیصد اضافہ کرکے 30 فیصد ریلیف مذاق ہے۔

بلاول بھٹو نے کہا کہ  عمران خان آج بھی اپنی ناکامیوں کا ملبہ پچھلی حکومتوں پر ڈال رہے ہیں، عوام کو لالی پاپ نہیں بلکہ عمران خان سےحساب چاہیے، آج کے خطاب کا نتیجہ بھی پچھلےخطاب کی طرح کچھ نہیں ہوگا۔ انہوں نے مزید کہا کہ 30 فیصد سبسڈی انتہائی کم اور بہت تاخیر سے دی گئی ہے، 20 کروڑ عوام کو تاریخی مہنگائی، غربت اور بے روزگاری کا سامنا ہے۔