علیمہ خان نے پی ٹی آئی کو ناقابل تلافی نقصان پہنچایا۔ شیر افضل مروت

?️ 21 فروری 2026

اسلام آباد (سچ خبریں) سابق رہنما تحریک انصاف و رکن قومی اسمبلی شیر افضل مروت نے کہا ہے کہ علیمہ خان نے پی ٹی آئی کو ناقابل تلافی نقصان پہنچایا۔

شیر افضل مروت نے کہا ہے کہ علیمہ خان نے میرے خلاف سوشل میڈیا بریگیڈ کو متحرک کیا، وہ میرے خلاف عدالت جانا چاہیں تو جاسکتی ہیں۔ اُنہوں نے کہا کہ علیمہ خان نے پارٹی کو ناقابل تلافی نقصان پہنچایا ہے، انہوں نے بیرسٹر گوہر کو کہا کہ آپ بانی کی بینائی کے معاملے کو کیوں کمزور کر رہے ہیں، پی ٹی آئی میں کوئی ایسا آدمی نہیں جس پر علیمہ خان نے تنقید نہ کی ہو۔

رکن قومی اسمبلی کا کہنا تھا کہ علیمہ خان پارٹی کے لوگوں کو نوکر سمجھتی ہیں، علی امین گنڈاپور کی پارٹی میں پوزیشن مضبوط ہے، پچیس ایم پی ایز، چھ سے 7 اُن کے ساتھ ہے۔ شیرافضل مروت نے کہا کہ میں اپنی ساری کشتیاں جلا چکا ہوں، علی امین گنڈاپور جادوگر تو نہیں تھے کہ بانی کو جیل سے نکال لیتے، اُن کے خلاف تین ماہ سے سازش ہو رہی تھی، بشریٰ بی بی اور مراد سعید نے سہیل آفریدی کو وزیراعلیٰ بنایا، علیمہ خان سہیل آفریدی سے بھی ناراض ہیں۔

اُن کا کہنا تھا کہ میرا خیال ہے سہیل آفریدی چند ہفتوں کے مہمان ہیں، عید کے بعد اُن ایم پی ایز کی پھر عید ہوگی جنہوں نے نیا وزیراعلیٰ چننا ہے، وزیراعلیٰ خیبرپختونخوا پر ڈس کوالیفائی کیشن کی تلوار لٹک رہی ہے، ایک دو اور لیگل معاملات بھی ہے۔