سیکیورٹی فورسز کی خیبرپختونخوا، بلوچستان میں کارروائیاں، 12 بھارتی اسپانسرڈ دہشتگرد ہلاک

?️

بلوچستان: (سچ خبریں) سیکیورٹی فورسز نے بلوچستان اور خیبرپختونخوا کے مختلف اضلاع میں کامیاب کارروائیاں کیں، جس کے نتیجے میں 12 بھارتی اسپانسرڈ دہشتگرد مارے گئے جبکہ بہادری سے لڑتے ہوئے 2 فوجی جوان شہید ہو گئے۔

پاک فوج کے شعبہ تعلقات عامہ (آئی ایس پی آر) نے بتایا کہ انٹیلی جنس پر مبنی آپریشنز خیبرپختونخوا میں کالعدم تحریک طالبان پاکستان (ٹی ٹی پی) اور بلوچستان میں کالعدم بلوچستان لبریشن فرنٹ کے خلاف کیے گئے۔

آئی ایس پی آر کے مطابق خیبرپختونخوا کے ضلع لکی مروت میں آپریشن کے دوران سیکیورٹی فورسز نے 5 بھارتی اسپانسرڈ دہشتگردوں کو ہلاک کر دیا۔

اسی طرح ضلع بنوں میں سیکیورٹی فورسز نے دوسری کارروائی کی، جہاں 2 بھارتی اسپانسر خارجی دہشتگرد مارے گئے۔

پاک فوج کے شعبہ تعلقات عامہ کے مطابق شمالی وزیرستان کے ضلع میر علی کے عمومی علاقے میں خوارج نے سیکیورٹی فورسز کے قافلے پر حملہ کر دیا، فورسز نے فوری مؤثر جواب دیا، جس کے نتیجے میں 2 بھارتی اسپانسر خوارج کو ہلاک کر دیا گیا، تاہم شدید فائرنگ کے تبادلے میں ضلع کرم کے 29 سالہ سپاہی فرہاد علی طوری اور کوہاٹ کے 32 سالہ لانس نائیک صابر آفریدی بہادری سے لڑتے ہوئے شہید ہو گئے۔

قبل ازیں، آئی ایس پی آر نے علیحدہ جاری اعلامیے میں بتایا کہ سیکیورٹی فورسز نے بھارتی اسپانسرڈ دہشت گردوں کی موجودگی کی اطلاع پر ضلع آواران کے علاقے گشکور میں آپریشن کیا۔

پاک فوج کے شعبہ تعلقات عامہ کے مطابق آپریشن کے دوران سیکیورٹی فورسز نے دہشتگردوں کے ٹھکانے کو مؤثر نشانہ بنایا، جبکہ شدید فائرنگ کے تبادلے میں بھارتی اسپانسرڈ دہشت گرد یونس مارا گیا، جبکہ دو بھارتی اسپانسرڈ دہشت گرد زخمی ہو گئے۔

آئی ایس پی آر نے بتایا کہ سیکیورٹی فورسز نے دوسرا آپریشن ضلع کیچ میں کیا، جہاں فورسز نے کامیابی کے ساتھ 2 بھارتی اسپانسرڈ دہشت گردوں (دہشتگرد سرغنہ صابر اللہ اور امجد بیچو) کو ہلاک کر دیا۔

پاک فوج کے شعبہ تعلقات عامہ کے مطابق مارے گئے بھارتی اسپانسرڈ دہشت گردوں سے اسلحہ، گولہ بارود اور دھماکا خیز مواد بھی برآمد کیا گیا، مزید کہنا تھا کہ دہشتگرد قانون نافذ کرنے والے اداروں کے خلاف دہشت گردی کی متعدد سرگرمیوں کے ساتھ ساتھ معصوم شہریوں کی ٹارگٹ کلنگ میں بھی ملوث تھے۔

آئی ایس پی آر نے بتایا کہ علاقے میں موجود کسی بھی دہشت گرد کو ختم کرنے کے لیے سینیٹائزیشن آپریشنز کیے جا رہے ہیں، مزید کہنا تھا کہ پاکستان کی سیکیورٹی فورسز قوم کے ساتھ مل کر بلوچستان کے امن، استحکام اور ترقی کو سبوتاژ کرنے کی بھارتی پراکسیوں کی کوششوں کو ناکام بنانے کے لیے پرعزم ہیں۔

بھارت کے پاکستان میں امن کو نقصان پہنچانے کے مذموم عزائم خاک میں ملا دیں گے، شہباز شریف

دریں اثنا، وزیراعظم شہباز شریف نے بلوچستان میں دہشتگردوں کو ہلاک اورزخمی کرنے پر فورسز کو خراج تحسین پیش کیا۔

ڈان نیوز کے مطابق ایک بیان میں شہباز شریف کا کہنا تھا کہ شہریوں کی جان و مال خطرے میں ڈالنے کی بھارتی سازش بے نقاب ہو چکی ہے، بھارت کے پاکستان میں امن کو نقصان پہنچانے کے مذموم عزائم خاک میں ملا دیں گے۔

وزیر اعظم نے کہا کہ حکومت اور سیکیورٹی فورسز دہشتگردی کے مکمل خاتمے کے لیے پر عزم ہیں۔

واضح رہے کہ 18 مئی کو پاک فوج کے شعبہ تعلقات عامہ کے سربراہ لیفٹینٹ جنرل احمد شریف نے کہا تھا کہ پاک بھارت تناؤ کو سمجھنے کے لیے اس کے پس منظر میں جانا ضروری ہے، بھارت اس خطے بالخصوص پاکستان میں دہشت گردی کی سرپرستی کر رہا ہے، بھارت حقیقت چھپانے کے لیے جھوٹے بیانیے کے پیچھے چھپ رہا ہے۔

مشہور خبریں۔

آئی ایم ایف کے مطالبے پر حکومت 2026 سے اعلیٰ عہدیداروں کے اثاثے عام کرے گی

?️ 21 نومبر 2025 اسلام آباد: (سچ خبریں) عالمی مالیاتی فنڈ (آئی ایم ایف) کی

ایرانی صدر اعلیٰ سطح کے وفد کیساتھ 2 روزہ دورے پر پاکستان پہنچ گئے، تجارتی تعلقات بڑھانے کا عزم

?️ 2 اگست 2025اسلام آباد: (سچ خبریں) ایران کے صدر مسعود پزشکیان، وزیر خارجہ عباس

شیعہ اور سنی اتحاد اسرائیل کو تباہ کرنے کے مقصد سے قائم ہوا ہے: صیہونی جنرل

?️ 11 اپریل 2023سچ خبریں:جنرل عاموس گلعاد نے صیہونی حکومت کے قومی ریڈیو کے ساتھ

بلاشبہ یوکرین میں ہمارے آپریشن کے اہداف پورے ہوں گے: پوٹن

?️ 12 اپریل 2022روسی صدر ولادیمیر پوٹن نے کہا ہے کہ یوکرین میں ان کے

پی ٹی اے نے ٹک ٹاک پر پابندی عائد کر دی

?️ 21 جولائی 2021اسلام آباد( سچ خبریں) عالمی پلیٹ فارم ٹک ٹاک استعمال کرنے والے

ہر 2 ماہ بعد وزارتوں کی کارکردگی جانچیں گے، اچھے نتائج نہ دینے پر کارروائی ہوگی۔ شہباز شریف

?️ 16 جولائی 2025اسلام آباد (سچ خبریں) وزیراعظم شہباز شریف نے کہا ہے کہ ہر

اگر ہمیں معاشی ترقی کرنی ہے تو سیاسی استحکام لانا پڑے گا، شہباز شریف

?️ 12 اکتوبر 2023لاہور: (سچ خبریں) مسلم لیگ(ن) کے صدر اور سابق وزیر اعظم شہباز

اینکر پرسن کامران خان کے مطابق عمران خان کے ساتھ گیم ہو گیا۔

?️ 25 اپریل 2022اسلام آباد(سچ خبریں) سینئر صحافی ، تجزیہ کار اور اینکر پرسن کامران

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے