سی ٹی ڈی نےدہشت گردی کا بڑا منصوبہ ناکام بنا دیا

?️ 9 نومبر 2021

لاہور (سچ خبریں) پنجاب کے دارالحکومت لاہور میں سی ٹی ڈی نے اہم کاروائی کرتے ہوئے دہشت گردی کا بڑا منصوبہ ناکام بنا دیا اور  اسلحے کا بڑا ذخیرہ برآمد کرلیا۔ اسی دوران انٹیلی جنس آپریشن کے دوران ارقم عزیز نامی  ایک دہشت گرد کو چھاپا مار کر گرفتار کرلیا گیا ہے جسے دہشتگردی کے لئے استعمال کرنے کا منصوبہ تھا۔

تفصیلات کے مطابق پنجاب کے دارلحکومت لاہور میں کاؤنٹر ٹیررازم ڈیپارٹمنٹ ( سی ٹی ڈی ) نے کارروائی کرتے ہوئے کالعدم تنظیم کا دہشت گردی کا منصوبہ ناکام بنا دیا۔ سی ٹی ڈی کا کہنا ہے کہ کارروائی میں کالعدم تنظیم کے اسلحے کا بڑا ذخیرہ بھی برآمد کرلیا ہے۔

ترجمان کے مطابق چکوال میں انٹیلی جنس آپریشن کے دوران ایک دہشت گرد کو گرفتار کرلیا، دہشت گرد ارقم عزیزکوکمپاؤنڈپرچھاپہ مار کر گرفتار کیا گیا۔ سی ٹی ڈی نے بتایا کہ دہشت گرد کی نشاندہی پر اسلحہ ، بارود برآمد کیا ، پکڑا جانے والا اسلحہ دہشت گردی کیلئے استعمال ہونا تھا۔

ترجمان کا کہنا تھا کہ دہشت گرد کو تفتیش کیلئے نامعلوم مقام پر منتقل کر دیا گیا ہے اور اسلحہ کی بھاری کھیپ سے متعلق تحقیقات شروع کردی ہیں تفتیش  اور تحقیقات کے بعد باقی تفصیلات سامنے آنے کا امکان ہے۔