حکومت نے کورونا ویکسینیشن کے لئے عمر کی حد میں مزید کمی کر دی

?️ 11 ستمبر 2021

اسلام آباد (سچ خبریں) حکومتِ پاکستان نے کورونا ویکسین کے لئے عمر کی حد میں مزید کمی کرتے ہوئے 15سال تک کے بچوں کی ویکسی نیشن شروع کرنے کافیصلہ کرلیا ہے، 15 تا18سال عمرکےافرادکی ویکسی نیشن 13ستمبرسےہوگی اور ویکسی نیشن کیلئےب فارم کااستعمال کیا جائے گا۔

تفصیلات کے مطابق حکومت پاکستان نے کورونا ویکسی نیشن کیلئے عمر کی حد میں مزید کمی کا فیصلہ کرتے ہوئے 15سال عمر کے بچوں کی ویکسی نیشن شروع کرنے کا فیصلہ کرلیا۔ذرائع کا کہنا ہے کہ 15 تا18سال عمرکےافرادکی ویکسی نیشن 13ستمبرسےہوگی، 15 تا 18 سال والوں کوفائزرکوروناویکسین لگائی جائےگی۔

ذرائع نے بتایا کہ این سی اوسی نے15تا 18 سال والوں کی ویکسی نیشن کی منظوری دیدی، 15 تا 18 سال عمرکے افراد کی ویکسی نیشن کیلئے ب فارم کا استعمال ہو گا۔ یاد رہے رواں ماہ کے آغاز میں نیشنل کمانڈ اینڈ آپریشن سینٹر کی جانب سے 18 سال سےکم عمرافرادکی نظر ثانی شدہ ویکسینیشن گائیڈ لائنز جاری کردی گئی تھی ،جس میں کہا گیا تھا کہ

واضح رہے کہ 12تا 17سالہ کمزور قوت مدافعت والے افراد کو فائزر ویکسین لگے گی، کمزورقوت مدافعت والےافرادکومیڈیکل سرٹیفکیٹ کاثبوت پیش کرناہوگا۔خیال رہے پاکستان میں کورونا کی صورتحال تشویشناک ہوتی جارہی ہے ، یومیہ 80 سے زائد اموات ریکارڈ اور 3 ہزار سے زائد نئے کیسز رپورٹ کئے جارہے ہیں۔