جیل میں بیٹھے قیدی کو نہیں معلوم پاکستان ترقی کی منازل طے کرچکا ہے۔ مریم نواز

?️ 21 ستمبر 2025

سرگودھا (سچ خبریں) وزیراعلی پنجاب مریم نواز نے بانی پی ٹی آئی کا نام لیے بغیر کہا کہ جیل میں بیٹھے قیدی کو نہیں معلوم کہ پاکستان ترقی کی منازل طے کر چکا ہے۔

سرگودھا میں الیکٹرک بس پراجیکٹ کا افتتاح کی تقریب سے خطاب کرتے ہوئے مریم کا کہنا تحا کہ شہر کے عوام کو الیکٹرک بس کی ضرورت تھی۔ انہوں نے بتایا کہ سرگودھا میں ابتدائی طور پر 33 الیکٹرک بسیں دی جا رہی ہیں، جن میں خواتین، بزرگوں اور طلبہ کیلئے سفر مفت ہے۔

مریم نے مزید کہا کہ سرگودھا شہر کیلئے مجموعی طور پر 60 الیکٹرک بسیں مختص ہیں، جبکہ سرگودھا ڈویژن کو 105 بسیں ملیں گی۔ عوامی مسائل کا ذکر کرتے ہوئے انہوں نے خاص طور پر ذکر کیا کہ سرگودھا میں پہلے سرکاری پبلک ٹرانسپورٹ سسٹم نہیں تھا، تاہم اب بھیرہ سے سرگودھا تک سفر اب صرف 20 روپے میں ہوگا۔

گزشتہ دور سے تقابل کرتے ہوئے مریم نے یاد دلایا کہ پی ٹی آئی دور میں کہا جاتا تھا کہ پاکستان سری لنکا بن جائے گا، لیکن اب عالمی ادارے پاکستان کی معاشی ترقی کا اعتراف کر رہے ہیں۔

بانی پی ٹی آئی پر طنز کرتے ہوئے مریم نے کہا کہ ایک وزیراعظم ہوا کرتے تھے جسے الٹی سیدھی حرکتوں پر جہاز سے اتارا گیا، مگر آج وزیراعظم شہباز شریف کا اسی سعودی عرب میں داخل ہوتے ہی شاندار استقبال کیا گیا۔