بیوروکریسی نگران حکومت کی راہ میں رکاوٹیں کھڑی کر رہی ہے، وزیر اطلاعات بلوچستان

?️

کوئٹہ: (سچ خبریں) نگران صوبائی وزیر اطلاعات جان اچکزئی نے کہا کہ سول بیوروکریسی لوگوں کے مسائل حل کرنے میں روایتی سستی کا مظاہرہ کرتے ہوئے نگران حکومت کو وہ اہمیت نہیں دے رہی جو ان کو دینی چاہیے، جس کے نتیجے میں نگران حکومت کو عوام کی جانب سے تنقید کا نشانہ بنایا جا رہا ہے۔

میڈیا رپورٹس کے مطابق کوئٹہ میں پریس کانفرنس کرتے ہوئے صوبائی وزیر کا کہنا تھا کہ ’ریڈ ٹیپ‘ صوبائی کابینہ کے لیے رکاوٹیں کھڑی کر رہا ہے، جو صوبے اور اس کے لوگوں کے مفاد میں نہیں ہے۔

انہوں نے مزید کہا کہ بیوروکریسی وزیر اعظم اور وزیر اعلی بلوچستان سے متعلق احکامات پر زیادہ توجہ نہیں دے رہی اوران کا یہ رویہ حکومت کو قابل قبول نہیں، انہوں نے بتایا کہ یہ افسران وزرا کو صوبے میں جاری منصوبوں کا دورہ اور اس پر نظر ثانی کرنے کی اجازت دینے سے گریز کرتے ہیں۔

جان اچکزئی کا کہنا تھا کہ اس صورتحال کے باعث کابینہ اور وزیراعلیٰ کی جانب سے صوبے کی بہتری کے لیے کیے گئے کئی اہم فیصلوں پر عمل درآمد نہیں کیا گیا، جس کی وجہ سے عوام میں بے چینی پائی جاتی ہے۔

انہوں نے کہا کہ بلوچستان ابھی تاریخ کے سب سے اہم مرحلے سے گزر رہا ہے جہاں بڑے پیمانے پر دہشت گردوں اور ان کے سہولت کاروں کے خلاف آپریشن جاری ہیں۔

جان اچکزئی نے بتایا کہ دوسری جانب آرمی چیف کے نظریے کے مطابق خصوصی سرمایہ کاری سہولت کاری کونسل کے تحت کئی اقدامات کیے گئے لیکن اس حوالے سے بیوروکریسی کی جانب سے مسائل پیدا ہو رہے ہیں۔

نگران صوبائی وزیر اطلاعات نے کہا کہ سرکاری ملازمین کے عدم تعاون اور بلوچستان میں لال فیتے کی وجہ سے عوام کے مسائل میں اضافہ ہو رہا ہے، بدقسمتی سے نگران حکومت کو وہ اہمیت نہیں دی جا رہی، آئین کے مطابق جس کی وہ مستحق ہے۔

مشہور خبریں۔

بیرون ملک سیاسی پناہ لینے والے پاکستانیوں کے پاسپورٹ اجرا پر دفتر خارجہ کا ردعمل

?️ 5 ستمبر 2024اسلام آباد: (سچ خبریں) بیرونی ممالک میں سیاسی پناہ لینے والے پاکستانیوں

ایران کے خلاف جنگ پر عالمی میڈیا کا ردعمل

?️ 12 مئی 2026سچ خبریں:ایران کے خلاف امریکہ اور اسرائیل کی جنگ پر عالمی میڈیا

بائیڈن کے دفتر سے مزید خفیہ دستاویزات دریافت

?️ 14 جنوری 2023سچ خبریں:امریکی میڈیا نے اعلان کیا کہ موجودہ امریکی صدر بائیڈن کے

آئی ایف سی کا پاکستان میں پہلی مقامی کرنسی سرمایہ کاری کا اعلان

?️ 23 دسمبر 2025اسلام آباد: (سچ خبریں) انٹرنیشنل فنانس کارپوریشن جو ورلڈ بینک گروپ کا

نجکاری کیلئے منتخب 5 توانائی کمپنیوں کیلئے مالی مشیروں کا تقرر تاخیر کا شکار

?️ 13 دسمبر 2024 اسلام آباد: (سچ خبریں) حکومت نے نجکاری کے پہلے مرحلے کے

فلسطین کی حمایت ہماری خارجہ پالیسی کا بنیادی اصول ہے: پاکستانی وزارت خارجہ

?️ 30 نومبر 2021سچ خبریں: سینٹر فار ڈپلومیسی نے ایک بیان میں کہا کہ پاکستانی

بالی وڈ کے معروف جوڑے کا 18 سال بعد الگ ہونے کا فیصلہ

?️ 31 جولائی 2023سچ خبریں: بالی وڈ اداکار فردین خان اور ان کی اہلیہ نتاشا

لاہور: اسموگ کے تدارک کیلئے فیکٹریوں کو دوبارہ سیل کرنے، جوہر ٹاؤن میں کیفے رات 10 بجے بند کرنے کا حکم

?️ 24 نومبر 2023لاہور: (سچ خبریں) لاہور ہائیکورٹ نے ڈی سیل ہونے والی تمام فیکٹریوں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے