بشری بی بی کیلئے وکیل نے اڈیالہ جیل میں ضروری سامان پہنچا دیا

?️ 6 جنوری 2026

پشاور (سچ خبریں) بانی پاکستان تحریکِ انصاف (پی ٹی آئی) کی اہلیہ بشریٰ بی بی کے وکیل رائے سلمان اڈیالہ جیل پہنچے اور ان کے لیے گرم کپڑے، کمبل، خشک میوہ جات اور دیگر ضروری اشیاء جیل انتظامیہ کے حوالے کر دی۔

وکیل نے بشریٰ بی بی کے لئے 2 پپیتے، 2 پائن ایپل، 2 درجن دیسی انڈے اور 2 درجن مالٹے بھی فراہم کئے۔ جیل انتظامیہ نے وکیل کی جانب سے لائی گئی تمام اشیاء وصول کرلیں اورانہیں بشریٰ بی بی تک پہنچانے کا عمل یقینی بنایا۔

وکیل رائے سلمان نے کہا کہ یہ سامان بشریٰ بی بی کی راحت اور بنیادی ضروریات کے لئے فراہم کیا گیا ہے، انتظامیہ کے مطابق یہ کارروائی جیل کے قواعد کے مطابق مکمل طور پر باقاعدہ اور محفوظ طریقے سے کی گئی۔

اس دوران وکیل نے جیل حکام سے بشریٰ بی بی کی صحت اور دیکھ بھال کے حوالے سے بھی معلومات حاصل کیں۔