بانی پی ٹی آئی سے مبینہ بدسلوکی کا بیانیہ بے بنیاد ثابت ہوا۔ عطا تارڑ

?️ 12 فروری 2026

اسلام آباد (سچ خبریں) وفاقی وزیر اطلاعات عطا تارڑ نے کہا کہ بانی پی ٹی آئی سے مبینہ بدسلوکی کا بیانیہ بے بنیاد ثابت ہوا۔

سماجی رابطے کی سائٹ ایکس پر اپنے پیغام میں وفاقی وزیر اطلاعات عطا تارڑ نے پی ٹی آئی کے جھوٹے بیانیے پر شدید تنقید کی۔

عطا تارڑ کا کہنا تھا کہ عالمی میڈیا میں علیمہ خان اور بانی پی ٹی آئی کے خاندان کے دیگر افراد کی جانب سے جیل میں مبینہ بدسلوکی اور ناقص حالات کے حوالے سے جو بیانیہ پیش کیا جا رہا تھا وہ بے بنیاد ثابت ہوا ہے۔

وفاقی وزیر اطلاعات نے کہا کہ رپورٹ، جس میں ان کے روزمرہ معمولات اور خوراک کے منصوبے کی تفصیلات شامل ہیں، نے تمام ابہام دور کر دیا ہے۔

عطا تارڑ نے کہا کہ رپورٹ کے مطابق انہیں تمام ضروری سہولیات فراہم کی جا رہی ہیں بلکہ وہ دیگر قیدیوں کی نسبت زیادہ مراعات سے بھی مستفید ہو رہے ہیں۔