?️
اسلام آباد:(سچ خبریں) چیئرمین پاکستان پیپلزپارٹی بلاول بھٹو زرداری نے بانی پی ٹی آئی عمران خان پر تنقید کرتے ہوئے کہا ہے کہ بانی پی ٹی آئی بےگناہ ہیں تو انہیں جیل میں نہیں ہونا چاہیے، انہوں نے جو کیا، اب بھگت رہے ہیں، سب سے پہلے انہیں توبہ کرنی چاہیے۔
ذوالفقار بھٹو پھانسی پر صدارتی ریفرنس کی سماعت میں وقفے کے دوران سپریم کورٹ کے باہر میڈیا سے گفتگو کرتے ہوئے انہوں نے کہا کہ آج ہم شہید ذوالفقار علی بھٹو کے ریفرنس کی سماعت پر پہنچے ہیں ہم سمجھتے ہیں تاریخ کو مسخ نہ کیا جائے بلکہ ہم تاریخ کو درست کرسکتے ہیں۔
بلاول بھٹو نے کہا کہ سپریم کورٹ میں جو ایک کلپ چلایا گیا، آمریت میں امر کی ایک کیس میں دلچسپی تھی، ذوالفقار علی بھٹو کے کیس کا جس طرح فیصلہ کرایا گیا، تاریخ اس کی گواہ ہے، امید ہے کہ بارہ تیرہ سال بعد اس کیس میں پیپلز پارٹی کو انصاف ضرور ملے گا۔
انہوں نے کہا یہ موقع ہے کہ اسے درست کریں، اعتماد ہے کہ ہمیں جسٹس قاضی فائز عیسیٰ سے اس کیس میں انصاف ملے گا۔
بلاول بھٹو زرداری نے کہا کہ اس کیس کو ممکن ہو تو جلد از جلد نمٹا دیا جائے، پہلے جسٹس افتخار چوہدری نے سماعت کی لیکن فیصلہ نہ ہوسکا۔
چیئرمین پیپلز پارٹی نے گزشتہ ہفتے سینیٹ میں انتخابات ملتوی کرنے سے متعلق منظور کی گئی قرار داد پر رد عمل دیتے ہوئے کہا کہ عوام ووٹ ڈالنے کی تیاری کریں، اقوام متحدہ سے بھی قرارداد پیش کرادیں الیکشن 8 فروری کو ہی ہوں گے۔
بلاول بھٹو زرداری نے کہا کہ چیف جسٹس نے بھی کہا تھا 8 فروری کو الیکشن پتھر پر لکیر ہیں، انہوں نے سوال اٹھایا کہ سینیٹ کی قرارداد میں زیادہ وزن ہے یا چیف جسٹس کی بات میں؟ سب لوگ تیاری پکڑیں، سب نے جا کر ووٹ دینا ہے۔
انہوں نے کہا کہ کراچی اور حیدرآباد میں پی پی پی نے حال ہی میں بلدیاتی الیکشن جیتا ہے، چاہتے ہیں الیکشن التوا کا کوئی بہانہ نہ بنے۔
بلاول بھٹو نے کہا کہ تقسیم اور لڑائی کی سیاست کو دفن کرنا ہوگا، اپنی غلطیاں تسلیم کرنی چاہئیں، رویہ درست کرنا چاہیے، ہمیں تاریخ سے سبق سیکھ کر آگے بڑھنا چاہیے۔


مشہور خبریں۔
نیتن یاہو امریکہ گئے یا طلبی ہوئی؟صیہونی تجزیہ کاروں کی زبانی
?️ 9 اپریل 2025 سچ خبریں:صیہونی تجزیہ کاروں اور تل ابیب کے میڈیا کے مطابق،
اپریل
عراقی سیکورٹی سروس نے داعش کی مالی معاونت کرنے والے اہم نیٹ ورک کو گرفتار کر لیا
?️ 2 ستمبر 2025سچ خبریں: عراقی قومی انٹیلی جنس آرگنائزیشن نے پیر کے روز ایک
ستمبر
انگلینڈ میں بڑے ایک غیر معمولی ہنگامی انتباہ جاری ؛ وجہ ؟
?️ 15 اگست 2026سچ خبریں: برطانیہ میں آگ کے بے قابو پھیلاؤ کے پیش نظر
اگست
عرب اور عالم اسلام کے حوادث پر بن سلمان کی خاموشی
?️ 31 مئی 2021سچ خبریں:سعودی حکومت کے ایک مخالف نے آل سعود حکومت کے جبروں
مئی
کیا بانی پی ٹی آئی اپنے موقف سے پیچھے ہٹ گئے ہیں؟
?️ 3 اگست 2024سچ خبریں: پاکستان تحریک انصاف کے رہنما لطیف کھوسہ کا کہنا ہے
اگست
فلسطین کی آزادی کی حمایت میں یورپی سفارت کاری کا طوفان
?️ 30 مئی 2024سچ خبریں: غزہ کی جنگ کو آٹھ ماہ سے زیادہ کا عرصہ
مئی
لبنان کی جانب سے امدادی مرکز پر اسرائیلی حملے کی مذمت
?️ 22 مئی 2026 سچ خبریں: لبنان کی وزارت صحت نے جنوبی لبنان میں طبی
مئی
بھارتی حکومت کی سازشوں کے خلاف مل کر لڑنا ہوگا: محبوبہ مفتی
?️ 5 اپریل 2021سرینگر (سچ خبریں) مقبوضہ کشمیر کی سابق وزیر اعلیٰ محبوبہ مفتی نے
اپریل