مکوآنہ (سچ خبریں) صوبائی وزیر محنت وافرادی وسائل انصر مجید خاں نیازی نے تحصیل جڑانوالہ کا دورہ کیا اور سوشل سیکیورٹی ہسپتال جاکر مزدوروں اور ان کی فیملز کے لئے دستیاب طبی سہولیات کا جائزہ لیا۔سیکرٹری لیبر پنجاب سہیل شہزاد بھی ان کے ہمراہ تھے۔میڈیکل سپرنٹنڈنٹ سوشل سیکیورٹی ہسپتال ڈاکٹر فدا حسین نے صوبائی وزیر کو ہسپتال میں فراہم کی جانے والی طبی سہولیات، مشینری کی صورتحال اور درکار ضروریات کے بارے میں بریفنگ دی۔
صوبائی وزیر نے زیر علاج مریضوں کی عیادت اور ان سے صحت کی سہولیات کی فراہمی بارے دریافت کرکے اپنے اطمینان کا اظہار کیا۔انہوں نے کہا کہ وزیر اعظم عمران خان اور وزیر اعلی پنجاب سردار عثمان بزدار کے ویژن کے مطابق مزدوروں کو صحت کی سہولیات کی بلاتعطل فراہمی کے لئے کوشاں ہیں جبکہ سہولیات میں وسعت کے لئے بھی اقدامات جاری ہیں جس کے تحت ڈائیلاسز یونٹ بھی بنانے کی منصوبہ بندی کی گئی ہے۔
انہوں نے میڈیکل سپرنٹنڈنٹ سے کہا کہ مزدوروں کو ان کی فیملیز کو صحت کی جدید اور معیاری طبی سہولیات کی فراہمی میں رکاوٹ نہیں آنی چاہیے۔صوبائی وزیر نے ہسپتال میں صفائی اور کورونا ایس اوپیز پر عملدرآمد کو سراہا۔بعد ازاں صوبائی وزیر لیبر وانسانی وسائل نے گورنمنٹ ہائی سکول جڑانوالہ کا بھی دورہ کیا جسے سنٹر آف ایکسیلینس سے علیحدہ کرکے مکمل طور پر بحال کردیا گیا ہے۔
پرنسپل ادارہ رانا محمد سلیم نے صوبائی وزیر کو خوش آمدید کہتے ہوئے ادارہ میں تعلیمی سرگرمیوں کے بارے میں آگاہ کیا۔صوبائی وزیر نے کہا کہ شعبہ تعلیم کی ترقی موجودہ حکومت کی ترجیحات میں سرفہرست ہے۔انہوں نے کہا کہ ان کے والد محترم بھی اسی سکول کے طالب علم رہے اور آج یہاں تقریب میں مہمان شرکت کرکے خوشی محسوس کررہا ہوں۔صوبائی وزیر نے سکول کے احاطہ میں کلین اینڈ گرین پروگرام کے تحت پودا بھی لگایا اور کہا کہ وزیر اعظم پاکستان کے ٹین بلین ٹری پراجیکٹ کی تکمیل کے لئے ہم سب کو اپنے حصے کا کردار ادا کرنا ہوگا۔
مشہور خبریں۔
سعودی عرب اور شام کے درمیان سفارتی تعلقات کا باضابطہ آغاز
مئی
جنگ بندی کے بعد جنوبی لبنان پر اسرائیل کا سب سے وسیع حملہ
مارچ
امریکی وزیر دفاع کا دورہ یوکرین
نومبر
ندا یاسر کا پرانی ویڈیو سوشل میڈیا پر وائرل ہونے پر شکوہ
ستمبر
اپوزیشن جہاں بھی جائے گی ناکامی اس کا مقدر ہے: وزیر داخلہ
مارچ
بھارتی فوج بچوں اور خواتین کو ہراساں کرکے مقبوضہ کشمیر میں دہشت پھیلا رہی ہے: نیشنل فرنٹ
اپریل
کابینہ کا فیصلہ، اب سینیٹ الیکشن اوپن بیلٹ سے ہوگا
فروری
کسی کو بھی اپنے معاملات میں مداخلت کی اجازت ہرگز نہیں دیں گے:ایران
مارچ