?️
لاہور: (سچ خبریں) عدالت نے الیکشن کمیشن آف پاکستان کو چیف جسٹس لاہور ہائیکورٹ کے نوٹیفکیشن کے مطابق ٹربیونل کے ججز تعینات کرنے کا حکم دے دیا۔
تفصیلات کے مطابق لاہور ہائیکورٹ کی جانب سے الیکشن کمیشن کو چیف جسٹس کے نوٹیفکیشن کے تحت ٹربیونل کے ججز تعینات کرنے کا حکم جسٹس شاہد کریم نے دیا ہے، اس حوالے سے عدالت نے سینئر وکیل اور پی ٹی آئی رہنماء سلمان اکرم ایڈووکیٹ اور عمر ہاشم کی درخواستوں کو منظور کرلیا، جن کی درخواستوں میں چیف جسٹس ہائیکورٹ کی جانب سے کمیشن کو بھجوائے گے اضافی ناموں پر ٹربیونلز پر نوٹیفکیشن جاری کرنے کی استدعا کی گئی تھی۔
بتایا گیا ہے کہ جسٹس شاہد کریم نے درخواستوں پر محفوظ فیصلہ سنایا جس میں عدالت کا کہنا ہے کہ جب تک چیف جسٹس بھجوائے گئے ناموں کی فہرست واپس نہیں لیتے الیکشن کمیشن کوئی اور ٹربیونل تشکیل نہیں دے سکتا، سماعت کے لیے ٹربیونلز کو انتخابی حلقے دینا بھی چیف جسٹس کا اختیار ہے۔
دوسری طرف لاہور ہائیکورٹ میں پنجاب حکومت نے خصوصی عدالتوں میں ججز کی تقرری سے متعلق نوٹیفکیشن جمع کرادیا، چیف جسٹس لاہور ہائیکورٹ ملک شہزاد احمد خان نے پنجاب حکومت کی جانب سے راولپنڈی میں 9 مئی کے مقدمات سے متعلق کیسز ٹرانسفر کرنے کے لیے دائر درخواست پر جمعہ کو سماعت کی جس میں ججز کی عدم دستیابی کے باعث کیسز ٹرانسفر کرنے کی استدعا کی گئی تھی، دوران سماعت عدالت عالیہ نے ججوں کی تعیناتی کے معاملے کا نوٹس لیا تھا، جمعہ کے روز سماعت پر پنجاب حکومت کی طرف سے ایڈووکیٹ جنرل پنجاب خالد اسحاق نے انسداد دہشت گردی عدالتوں کی 11عدالتوں میں ججوں کی تعیناتی کا نوٹیفکیشن پیش کر دیا۔
نوٹیفکیشن سے معلوم ہوا کہ جج خالد ارشد کو انسداد دہشتگردی عدالت لاہور ون، جج عمران حیدر کو انسداد دہشت گردی عدالت ٹو لاہور میں تعینات کر دیا گیا، جج محمد عباس کو انسداد دہشتگردی عدالت سرگودھا میں تعینات کیا گیا ہے، جج محمد نعیم سلیم کو انسداد دہشتگردی عدالت گوجرانوالہ، جج رانا شاہد ضمیر کو انسداد دہشت گردی عدالت فیصل آباد جب کہ جج ضیا اللہ خان کو انسداد دہشتگردی عدالت ساہیوال میں تعینات کر دیا گیا۔
اسی طرح ڈسٹرکٹ اینڈ سیشن جج محمد بخت فخر کو پنجاب ریونیو اتھارٹی کے اپیلٹ ٹربیونل کا چیئر پرسن تعینات کر دیا گیا، ڈسٹرکٹ اینڈ سیشن جج محمد علی کو لاہور صارف عدالت کا پریذائیڈنگ افسر تعینات کیا گیا ہے، ڈسٹرکٹ اینڈ سیشن جج محمد زاہد غزنوی کو اینٹی کرپشن عدالت فیصل آباد کا سپیشل جج تعینات کر دیا گیا، ڈسٹرکٹ اینڈ سیشن جج خالد اسحاق اینٹی کرپشن عدالت بہاولپور کے سپیشل جج ہوں گے، ڈسٹرکٹ اینڈ سیشن جج صفدر بھٹی کو اینٹی کرپشن عدالت لاہور کا سینئر سپیشل جج تعینات کیا گیا ہے، ڈسٹرکٹ اینڈ سیشن جج ارشد حسین بھٹہ کو اینٹی کرپشن عدالت لاہور کا سپیشل جج تعینات کر دیا گیا۔


مشہور خبریں۔
اداکار واسع چوہدری پنجاب فلم سینسر بورڈ کے وائس چیئرمین مقرر
?️ 5 مئی 2023لاہور: (سچ خبریں) اداکار، لکھاری اور میزبان واسع چوہدری کو پنجاب فلم
مئی
سندھ حکومت 50 لاکھ کورونا ویکسین خریدے گی
?️ 30 مارچ 2021کراچی(سچ خبریں)ملک بھر میں کورونا کیسزمیں تیزی سے اضافہ ہو رہاہے اسی
مارچ
ایران کے خلاف جارحیت میں شامل نہ ہونے پر ٹرمپ کا یورپی اتحادیوں پر غصہ
?️ 1 مئی 2026 سچ خبریں: امریکی صدر ڈونلڈ ٹرمپ نے ایران کے خلاف جنگ میں
مئی
دنیا کا سب سے زیادہ آلودہ شہر
?️ 24 اکتوبر 2024سچ خبریں:لاہور کو فضائی آلودگی کی شدت کی وجہ سے دنیا کا
اکتوبر
عراقی سیکورٹی سروس نے داعش کی مالی معاونت کرنے والے اہم نیٹ ورک کو گرفتار کر لیا
?️ 2 ستمبر 2025سچ خبریں: عراقی قومی انٹیلی جنس آرگنائزیشن نے پیر کے روز ایک
ستمبر
یمن جنگ بندی کے لیے نیا منصوبہ پیش
?️ 22 اپریل 2021سچ خبریں:عرب امن گروپ نے یمن میں جنگ کے خاتمے کا منصوبہ
اپریل
شام میں وسیع عوامی احتجاج، جولانی حکومت کا طاقت کا استعمال
?️ 9 اکتوبر 2026سچ خبریں:شام کے صوبے حسکہ میں بدامنی اور جھڑپوں کے خلاف مسلسل
اکتوبر
غزہ کے بارے میں اقوام متحدہ کی قرارداد عالمی امن کو بڑھائے گی؛ ٹرمپ کا دعویٰ
?️ 19 نومبر 2025سچ خبریں:ڈونلڈ ٹرمپ نے دعویٰ کیا ہے کہ اقوام متحدہ کی سلامتی
نومبر