?️
سچ خبریں: اسرائیل کے حامی گروپ نارتھ ویسٹ فرینڈز آف اسرائیل کے ساتھ وائرل ہونے والی تصویر کے بعد پاکستانی ٹیم کے سابق کپتان شاہد آفریدی نے فلسطین کے ساتھ یکجہتی کا اظہار کرتے ہوئے اس گروپ کے دعوے کو مسترد کر دیا ہے۔
شاہد آفریدی نے بدھ کے روز اپنی ایکس پوسٹ میں وضاحتی بیان جاری کرتے ہوئے کہا، "براہ کرم اپلوڈ کیے گئے مواد پر توجہ نہ دیں۔”
سابق کرکٹر نے کہا، "تصور کریں کہ آپ مانچسٹر (انگلینڈ) کی کسی گلی میں چل رہے ہیں اور کچھ نام نہاد فینز آپ کے پاس سیلفی لینے کے لیے آ جاتے ہیں اور آپ ان کی بات مان لیتے ہیں۔ چند لمحوں بعد وہ اس سیلفی کو صیہونیت کی حمایت کی شکل دے کر اپلوڈ کر دیتے ہیں۔
یہ بھی پڑھیں: صیہونیوں کی شاہد آفریدی کو گمراہ کرنے کی ناکام کوشش
شاہد آفریدی کا کہنا تھا، "فلسطین میں معصوم جانوں کی تکلیف دیکھ کر دل کو سخت صدمہ پہنچتا ہے۔ لہذا مانچسٹر میں کسی تنظیم کی جانب سے شیئر کی گئی تصویر کو میری کسی بھی قسم کی حمایت نہ سمجھا جائے۔”
سابق کپتان نے مزید کہا، "میں پوری دنیا سے تعلق رکھنے والے شائقین کے ساتھ تصویریں کھنچواتا رہتا ہوں، اور یہ صورتحال بھی مختلف نہیں تھی۔ میں اس جنگ کے خاتمے اور آزادی کی دعا کرتا ہوں۔”
واضح رہے کہ بدھ کو شاہد آفریدی کی نارتھ ویسٹ فرینڈز آف اسرائیل (این ڈبلیو ایف او آئی) نامی گروپ کے دو عہدیداروں کے ساتھ فوٹو وائرل ہوئی تھی۔ ان تصاویر میں شاہد آفریدی کے ساتھ کھڑے لوگوں کو ہاتھ میں پلے کارڈز اٹھائے دیکھا جا سکتا ہے جن پر اسرائیل کی حمایت کے نعرے درج تھے۔
این ڈبلیو ایف او آئی نے اپنے ایکس اکاؤنٹ پر شاہد آفریدی کی تصویر شیئر کرتے ہوئے ایک متنازع پوسٹ میں لکھا تھا کہ "گزشتہ اتوار پاکستانی بین الاقوامی کرکٹر شاہد آفریدی این ڈبلیو ایف او آئی کے تحت مانچسٹر میں منعقد احتجاج میں آئے اور یرغمالیوں کی رہائی کے ہمارے مطالبے کے لیے اپنی حمایت کی۔”
شاہد آفریدی نے اس پوسٹ پر تنقید کرتے ہوئے اسے کسی پرستار کے ساتھ ایک فوٹو قرار دیا تھا۔ انہوں نے کہا، "میں آپ کی کسی ٹویٹ کی توثیق نہیں کرتا۔ ایک مسلمان ہونے کے ناطے میں پوری دنیا میں امن کے لیے دعاگو ہوں۔ برائے مہربانی یہ پوسٹ ڈیلیٹ کر دیجیے کیونکہ اس کا حقیقت سے کوئی تعلق نہیں ہے۔”
دوسری جانب این ڈبلیو ایف او آئی نے دعویٰ کیا کہ شاہد آفریدی نے اپنی اور ان کی تصاویر اپنے فون سے لی تھیں اور "وہ جانتے تھے کہ وہ کیا کر رہے ہیں۔”
سماجی رابطوں کی ویب سائٹ ایکس (سابقہ ٹوئٹر) پر صارفین نے مختلف انداز میں اس معاملے پر اپنی رائے کا اظہار کیا۔ سابق وزیراعظم ذوالفقار علی بھٹو کی پوتی فاطمہ بھٹو نے شاہد آفریدی کو ٹیگ کرتے ہوئے لکھا کہ آپ کی وضاحت کا انتظار رہے گا۔
ایکس صارف ماہم گیلانی نے شاہد آفریدی کے گھر کی ویڈیو پوسٹ کرتے ہوئے لکھا کہ "شاہد آفریدی نے اپنے گھر میں فلسطین کا جھنڈا لگا رکھا ہے جو کہ فلسطین سے یکجہتی کا بہترین انداز ہے۔”
سعد قیصر نامی ایک صارف نے لکھا کہ "جب پاکستان میں فلسطین اور کشمیر کی بات کرنے والا کوئی نہیں تھا تو شاہد آفریدی وہ پہلے شخص تھے جنہوں نے ان کے جھنڈے اپنے گھر پر لگائے تھے۔”
صحافی احمد قریشی کا کہنا تھا کہ عمران خان کی ٹرول فیکٹری سے خوفزدہ نہ ہوں، یہ ایونٹ بس غزہ جنگ کے خاتمے اور قیدیوں کی رہائی کے لیے تھا۔


مشہور خبریں۔
فرانسیسی حکومت کے پنشن پلان کے خلاف ہڑتالوں اور بڑے پیمانے پر مظاہروں کی اپیل
?️ 8 مارچ 2023سچ خبریں:فرانسیسی حکومت کے پنشن پلان پر عمل درآمد کا عمل فیصلہ
مارچ
نگران وزیراعظم اقوام متحدہ کی جنرل اسمبلی سے 22 ستمبر کو خطاب کریں گے
?️ 19 ستمبر 2023اسلام آباد:(سچ خبریں) اقوام متحدہ نے جنرل اسمبلی کے 78 ویں اجلاس
ستمبر
پنجاب حکومت کا بجلی کے بلوں میں کمی کیلئے پاور ٹیرف کم کرنے کا اعلان
?️ 3 جون 2025لاہور (سچ خبریں) پنجاب حکومت نے عوام کو ریلیف دیتے ہوئے بجلی
جون
وزیراعلی مریم نواز کی سی ایم ایچ آمد، زخمی افسروں اور جوانوں سے ملاقات
?️ 12 مئی 2025لاہور (سچ خبریں) وزیراعلی پنجاب مریم نواز شریف غازیوں کی عیادت کے
مئی
صیہونیوں کو غزہ پر مکمل قبضہ کرنے کے لیے 3.3 بلین ڈالر کے آپریشن کی لاگت پر تشویش ہے
?️ 27 اگست 2025سچ خبریں: ابتدائی جائزوں سے پتہ چلتا ہے کہ فوجی آپریشن "جیدیون
اگست
اداکار فہد مصطفی کا بھارتی ٹیم پر طنز
?️ 8 نومبر 2021کراچی (سچ خبریں) پاکستانی اداکار فہد مصطفیٰ نے بھارتی ٹیم پر نہایت
نومبر
حکومت نے بجٹ پر اتحادی جماعتوں کے تحفظات دور کرنے کی یقین دہانی کرادی
?️ 18 جون 2025اسلام آباد: (سچ خبریں) وفاقی حکومت کی جانب سے بجٹ پر اتحادی
جون
سوئٹزرلینڈ میں صہیونی مخالف مظاہرہ
?️ 30 اگست 2022سچ خبریں:فلسطین کے حامیوں کی ایک بڑی تعداد جھنڈے اور بینرز اٹھائے
اگست