شہباز شریف کا مسئلہ کشمیر کے حوالے سے بھارت کو انتباہ

?️ 6 اگست 2024

سچ خبریں: وزیراعظم شہباز شریف نے بھارت کو متنبہ کرتے ہوئے کہا ہے کہ وہ ہوش کے ناخن لے اور مسئلہ کشمیر پر بات چیت کے لیے بیٹھے۔

انہوں نے مزید کہا کہ جو بھی پاکستان کی جانب آنکھ اٹھائے گا، اسے نوچ کر پاؤں تلے روند دیا جائے گا۔

یہ بھی پڑھیں: مسئلہ کشمیر کے حل کے بغیر خطے میں پائیدار امن و ترقی کا خواب ہرگز شرمندہ تعبیر نہیں ہوسکتا، حریت کانفرنس

آزاد کشمیر اسمبلی کے خصوصی اجلاس سے خطاب کرتے ہوئے وزیراعظم شہباز شریف نے کہا کہ قابض بھارتی حکومت نے آج کے دن مقبوضہ کشمیر کے لوگوں کے حقوق چھین لیے ہیں۔

انہوں نے کہا کہ وہ وقت دور نہیں جب بھارت کو کشمیریوں کو حق خود ارادیت دینا پڑے گا۔

وزیراعظم شہباز شریف کا کہنا تھا کہ بھارت کسی غلط فہمی میں نہ رہے، وہ کشمیریوں کا حق نہیں چھین سکتا۔

مزید پڑھیں: مقبوضہ کشمیر میں بھارتی پارلیمانی انتخابات ہر گز مسئلہ کشمیر کا حل نہیں ہوسکتے : علی رضا سید

انہوں نے بھارت کو دوبارہ مخاطب کرتے ہوئے کہا کہ وہ ہوش کے ناخن لے اور مسئلہ کشمیر پر بات چیت کے لیے آمادہ ہو جائے۔

انہوں نے یقین دہانی کرائی کہ پاکستان کشمیریوں کی اخلاقی اور سیاسی حمایت جاری رکھے گا۔