وزیراعظم کا اسماعیل ہنیہ کی شہادت کے بارے میں اظہار خیال

?️ 3 اگست 2024

سچ خبریں: وزیر اعظم شہباز شریف نے کہا ہے کہ اسماعیل ہنیہ کو ایک بدترین سفاکیت کے واقعے میں ایران کے دارالحکومت تہران میں شہید کیا گیا۔

انہوں نے کہا کہ فلسطین میں دن رات بدترین تباہی ہو رہی ہے اور دنیا کو اس پر بیدار ہونا چاہیے۔

اسلام آباد میں کابینہ اجلاس سے خطاب کرتے ہوئے وزیر اعظم نے کہا کہ دنیا کے کئی ممالک نے اس واقعے کی مذمت کی ہے۔

یہ بھی پڑھیں: حماس کے رہنما اسماعیل ہنیہ کی شہادت پر قومی اسمبلی کا ردعمل

انہوں نے کہا کہ پاکستان کے دفتر خارجہ نے بھی اس کی مذمت کرتے ہوئے باقاعدہ بیان جاری کیا ہے۔ ڈپٹی وزیر اعظم نے بھی بیان دیا۔

شہباز شریف نے مزید کہا کہ کل اتحادی جماعتوں کے اجلاس میں ہم نے اس واقعے کی بھرپور مذمت کی۔

انہوں نے کہا کہ عالمی ادارے جو امن قائم کرنے کے لیے کئی دہائیوں پہلے بنائے گئے تھے، انہیں اب جاگنا چاہیے۔

انہوں نے اعلان کیا کہ جمعہ کے بعد اسماعیل ہنیہ کی غائبانہ نماز جنازہ کی اپیل کی گئی اور میں نے اسپیکر قومی اسمبلی سے بھی کہا ہے۔

مزید پڑھیں: دشمن ہنیہ سے ڈرتا ہے چاہے وہ زندہ ہو یا شہید: حماس

وزیر اعظم نے کہا کہ میں بھی اپنی کابینہ کے ہمراہ وزیراعظم ہاؤس کی مسجد میں غائبانہ نماز جنازہ ادا کروں گا۔

وزیر اعظم نے کہا کہ حکومت کے منتخب ہونے کے بعد سے بجلی بحران کو حل کرنے کے لیے شب و روز کوششیں جاری ہیں۔