ملالہ یوسفزئی کا ایک بار پھر غزہ جنگ کے بارے میں بیان

?️ 13 جولائی 2024

سچ خبریں: نوبل انعام یافتہ اور انسانی حقوق کی علمبردار ملالہ یوسفزئی نے غزہ میں فوری جنگ بندی کا ایک بار پھر مطالبہ کیا ہے۔

برطانوی ٹی وی کو دیے گئے انٹرویو میں ملالہ نے بتایا کہ غزہ میں 80 فیصد تعلیمی ادارے تباہ ہو چکے ہیں اور وہاں کے بچے بنیادی سہولیات سے محروم ہیں، جس کے باعث انہیں انتہائی مشکل حالات میں زندگی گزارنی پڑ رہی ہے۔

یہ بھی پڑھیں: ملالہ یوسف زئی کی غزہ کے ہسپتال پر اسرائیلی فضائی حملے کی شدید مذمت

ملالہ یوسفزئی کا کہنا تھا کہ غزہ کے بچوں اور بچیوں کو بھی بہتر زندگی اور تعلیم کا حق ملنا چاہیے۔

ملالہ نے افغانستان میں خواتین کی موجودہ صورتحال پر تشویش کا اظہار کرتے ہوئے کہا کہ اب مزید انتظار نہیں کیا جا سکتا۔ افغان لڑکیوں کے حقوق کے لیے عالمی رہنماؤں کو فوری طور پر اقدام کرنا ہوگا۔

مزید پڑھیں: نئے برطانوی وزیر خارجہ نے غزہ میں فوری جنگ بندی کا مطالبہ کیا

انہوں نے مزید کہا کہ افغان لڑکیاں آج بھی بنیادی تعلیم سے محروم ہیں۔