صیہونیوں کی مغربی پٹی کو مکمل طور پر ہڑپ کرنے کی کوشش 

سچ خبریں:فلسطینی تجزیہ کار عقل صلاح نے خبردار کیا ہے کہ اسرائیل غیر معمولی تیزی سے مغربی پٹی کو یہودیانے اور اسے مکمل طور پر قبضہ شدہ علاقوں میں شامل کرنے کے منصوبے پر عمل پیرا ہے، جس کا مقصد آزاد فلسطینی ریاست کے قیام کو ناممکن بنانا ہے۔

الاقصیٰ ٹی وی چینل کی رپورٹ کے مطابق فلسطینی قلمکار اور تجزیہ کار عقل صلاح نے خبردار کیا ہے کہ صیہونی حکومت غیر معمولی تیزی سے ایک جامع حکمتِ عملی پر عمل درآمد کر رہی ہے جس کا مقصد مغربی پٹی کو مکمل طور پر یہودی بنانا ہے۔

یہ بھی پڑھیں: مغربی کنارے میں نیتن یاہو کے خلاف مزاحمت کا تھپڑ

 ان کا کہنا ہے کہ اس منصوبے کا حتمی ہدف مغربی پٹی کو مکمل طور پر صیہونی قبضہ شدہ علاقوں میں شامل کرنا اور ایک خودمختار فلسطینی ریاست کے قیام کے ہر امکان کو ختم کرنا ہے۔

عقل صلاح کے مطابق، آج مغربی پٹی دو متوازی قوتوں کے زیرِ اثر ہے،ایک طرف صیہونی قابض افواج ہیں، جو عسکری فیصلوں کے ذریعے انتظامی کنٹرول سنبھالے ہوئے ہیں، جبکہ دوسری طرف غیرقانونی صیہونی آبادکار ہیں، جو روزانہ کی بنیاد پر جارحیت اور حملے کر کے فلسطینی زمینوں پر عملی کنٹرول قائم کر رہے ہیں۔

مزید پڑھیں: مغربی کنارے میں صیہونی مخالف آپریشن میں 4 فوجی زخمی

انہوں نے زور دیا کہ جو کچھ آج مغربی پٹی میں ہو رہا ہے، وہ صیہونی حکومت کی اُس وسیع حکمتِ عملی کا حصہ ہے جس کا مقصد یہودی آبادکاری کو بڑھانا، فلسطینی زمینوں کو ضبط کرنا، اور صیہونی بنیادی ڈھانچے کو مضبوط بنانا ہے۔ ان تمام اقدامات کا مقصد کرانہ باختری کو مکمل طور پر اسرائیلی ریاست میں ضم کرنا ہے۔