امریکہ میں کتنی پاکستانی خواتین فوجی تربیت حاصل کر رہی ہیں؟

سچ خبریں: امریکی محکمہ خارجہ کے بیورو آف پولیٹیکل ملٹری افیئرز کی جانب سے جاری کردہ ایک رپورٹ میں کہا گیا ہے کہ گزشتہ دہائی میں امریکہ میں فوجی تربیت حاصل کرنے والی پاکستانی خواتین افسران کی تعداد میں 150 فیصد اضافہ ہوا ہے۔

رپورٹ کے مطابق، پچھلے دو سالوں میں پاکستان نے سب سے زیادہ خواتین فوجی افسران کو تربیت کے لیے امریکا بھیجا ہے۔

یہ بھی پڑھیں: پاکستانی خواتین نے ملک کی ترقی اور خوشحالی میں اہم کردار: آرمی چیف

2020 سے 2023 کے دوران، 55 پاکستانی خواتین نے انٹرنیشنل ملٹری ایجوکیشن اینڈ ٹریننگ (آئی ایم ای ٹی) کورسز میں شرکت کی، جو کہ 2013 سے 2019 کے دوران تربیت حاصل کرنے والی 22 خواتین کے مقابلے میں دوگنی ہے۔ رپورٹ میں بتایا گیا ہے کہ پاکستان میں یہ افسران اپنی پیشہ ورانہ صلاحیتوں کو بہتر بنانے کے لیے فوجی تربیت اور تعلیمی کورسز میں حصہ لے رہے ہیں اور مزید خواتین کے لیے راہیں ہموار کر رہے ہیں۔

مزید پڑھیں: فواد چوہدری نے پاکستانی خواتین کے لئے شاندار تحفے کا اعلان کیا

یہ تربیت امریکی محکمہ خارجہ کی جانب سے اسپانسر کی جاتی ہے تاکہ غیر ملکی افسران کو امریکی فوجی تربیت اور تعلیمی کورسز میں شرکت کے لیے فنڈ فراہم کیا جا سکے اور فوجی تعلقات کو مضبوط بنایا جا سکے۔