پنجاب حکومت نے کل تاریخی بجت پیش کیا ہے، مریم اورنگزیب

🗓️ 14 جون 2024

لاہور: (سچ خبریں) سینئر صوبائی وزیر مریم اورنگزیب نے کہا ہے وزیر اعلٰی پنجاب مریم نواز پچھلے 3 ماہ میں محنت کر کے معیشت کی سمت درست کر رہی ہیں۔

لاہور میں پوسٹ بجٹ پریس کانفرنس کرتے ہوئے ان کا کہنا تھا کہ پنجاب حکومت نے کل تاریخی بجٹ پیش کیا ہے، کل پیش ہونے والا بجٹ ٹیکس فری بجٹ تھا، پنجاب حکومت نےعوام دوست بجٹ پیش کیا۔

انہوں نے بتایا کہ یہ بجٹ کیش بیک بجٹ ہے، یہ پچھلے ادوار کی طرح نہیں ہے، اس کے اندر کو اہم ہے جو وزیر اعلی پنجاب کی ترجیح میں شامل ہے وہ صحت اور تعلیم ہے، مریم نواز نے صحت کے شعبے میں کلینک آن وہیلز کا افتتاح کیا، اب تک 6 لاکھ 60 ہزار لوگ اس سے مستفید ہوچکے ہیں، صحت میں 473 ارب سے 539 ارب بجٹ کو بڑھایا گیا ہے۔

مریم اورنگزیب کا کہنا تھا ہم نے پچھلی حکومتوں کی تختیاں اتار کر اپنی تختیاں نہیں لگائیں، وزیر اعلی نے تمام منصوبوں کو فنڈ کر کے انہیں مکمل کرنے کی ہدایت دی ہے، تعلیم کے شعبے میں بھی 595 ارب سے بڑھا کر 670 ارب اضافہ کیا گیا ہے، بچوں کی تعلیم پرخصوصی توجہ دے رہے ہیں۔

صوبائی وزیر نے بتایا کہ زراعت میں بھی کافی کام دیا گیا ہے، اس میں 10 ارب لکا لون فری کسان کارڈ اسکیم شروع کی گئی ہے، لائیو اسٹاک کے فارمرز کے لیے بھی لون اسکیم کارڈ شروع کیا جارہا ہے 2 ارب کی فنڈنگ سے،مریم اورنگزیب کا کہنا تھا ہم نے پچھلی حکومتوں کی تختیاں اتار کر اپنی تختیاں نہیں لگائیں، وزیر اعلی نے تمام منصوبوں کو فنڈ کر کے انہیں مکمل کرنے کی ہدایت دی ہے،