پاک – چین کے سفارتی تعلقات کے 70 سال مکمل، ہوگا جشن

?️ 2 مارچ 2021

اسلام آباد{سچ خبریں} چین اور پاکستان کے بیچ سفارتی تعلقات کے قیام کو ستر سال ہو رہے ہیں اسی مناسبت سے پاکستان نے اپنے ان 70 سالہ تعلقات کو ایک انوکھے انداز میں منانے کا فیصلہ کیا ہے۔ 

تفصیلات کے مطابق ترجمان دفتر خارجہ کا کہنا ہے کہ رواں برس پاکستان اور عوامی جمہوریہ چین کے درمیان سفارتی تعلقات کے قیام کو 70 برس مکمل ہو جائیں گے۔

زاہد حفیظ چوہدری نے کہا ہے کہ پاکستان اور چین کے درمیان سفارتی تعلقات 21 مئی 1951 کو قائم ہوئے تھے تاہم رواں برس 2021 میں پاکستان اور عوامی جمہوریہ چین کے درمیان سفارتی تعلقات کے قیام کو 70 برس مکمل ہو جائیں گے۔

زاہد حفیظ چوہدری نے کہا کہ باہمی سفارتی تعلقات کے 70 برس مکمل ہونے پر سرکاری طور پر آج ایک مجازی تقریب کا انعقاد کیا جائے گا تاہم تقریب کا انعقاد آج بیک وقت بیجنگ اور اسلام آباد میں کیا جائے گا۔

ترجمان دفترخارجہ کے مطابق مجازی تقریب میں پاکستان کی نمائندگی وزیر خارجہ شاہ محمود قریشی کریں گے جبکہ چین کی نمائندگی چینی اسٹیٹ قونصلر اور وزیر خارجہ وانگ ژی چین کی نمائندگی کریں گے۔

ترجمان کا کہنا ہے کہ اس تاریخی سنگ میل کی تکمیل پر دونوں ممالک سال بھر تقریبات کا سلسلہ گرمجوش انداز میں جاری رکھیں گے۔