واٹس ایپ میں ڈیلیٹ شدہ میسجز کوکیسے پڑھا جائے؟

🗓️ 23 اکتوبر 2021

سان فرانسسکو(سچ خبریں)میسجنگ کے لیے مقبول ترین ایپ واٹس ایپ نے ڈیلیٹ شدہ میسجز کو پڑھنے کا فیچر متعارف کرایا ہے جس کے بعد صارفین ڈیلیٹ شدہ میسجز کو دوبارہ پڑھ سکتے ہیں ، اس وقت دنیا بھر میں اسمارٹ فونز میں سب سے زیادہ استعمال کی جانے والی ایپ واٹس ایپ ہے۔

تاہم کچھ صارفین ان ڈیلیٹ کیے گئے میسجز کو بھی پڑھنا چاہتے ہیں۔ بھیجے گئے میسج کو ڈیلیٹ کرنے کا ایک وقت مقرر ہوتا ہے۔ڈیلیٹ کیا جانے والا میسج کمپنی کے سرور سے بھی غائب ہوجاتا ہے کیونکہ اس فیچر کو متعارف کروانے کا مقصد ہی یہی تھا کہ اس کا کوئی ریکارڈ نہ رہے، چنانچہ ایسے میسج کو پڑھنا تھوڑا مشکل ہوسکتا ہے۔ایک طریقہ ایسا ہے جس کے ذریعے ڈیلیٹ کیے ہوئے میسج کو پڑھا جاسکتا ہے۔

اس میسج کو کلاؤڈ بیک اپ کے ذریعے حاصل کیا جاسکتا ہے لیکن خیال رہے کہ ایسی صورت میں ان نئے میسجز سے ہاتھ دھونا پڑ سکتا ہے جن کا بیک اپ نہ ہوا ہو۔ڈیلیٹ شدہ میسج کو پڑھنے کے لیے فون سے واٹس ایپ ان انسٹال کریں، اس کے بعد اسے دوبارہ انسٹال کریں۔

انسٹال ہوتے ہی واٹس ایپ کلاؤڈ سے بیک اپ وصول کرے گا اور جیسے ہی اس کی انسٹالیشن کا عمل مکمل ہوگا، قوی امید ہے کہ آپ کو ڈیلیٹ کیا ہوا میسج دکھائی دے جائے گا۔ڈیلیٹ کیا ہوا میسج پڑھنے کے لیے تھرڈ پارٹی ایپ بھی استعمال کی جاسکتی ہے، ایسی ہی ایک تھرڈ پارٹی ایپ واٹس ریمووڈ پلس ہے جو گوگل پلے اسٹور میں دستیاب ہے۔