واٹس ایپ میں بہت بڑی تبدیلی

🗓️ 4 اکتوبر 2023

سچ خبریں: دنیا کی سب سے بڑی انسٹنٹ میسیجنگ ایپلی کیشن واٹس ایپ نے چیٹ میں بڑی تبدیلی کردی ہے جو واٹس ایپ گروپ صارفین کے لیے انتہائی کارآمد ثابت ہوگی۔

واٹس ایپ فیچر کے بارے میں معلومات فراہم کرنے والی ویب سائٹ ویب بیٹا انفو کے مطابق واٹس ایپ نے ’پِن (pinned) میسج فیچر‘ کی آزمائش شروع کردی ہے۔

یہ بھی پڑھیں: واٹس ایپ چیٹ کو خفیہ رکھنے سے متعلق صارفین کے اہم خبر

پِن میسج فیچر کا مطلب ہے کہ آپ واٹس ایپ گروپ یا اپنے کسی دوست کے چیٹ باکس کے اندر اہم پیغام کو پِن کرکے اسے چیٹ کے سب سے اوپری حصے پرلاسکتے ہیں، یعنی مخصوص پیغام کو پِن کرنے کے بعد آپ اپنی گفتگو جاری رکھ سکتے ہیں لیکن وہ مخصوص پیغام چیٹ کے دوران سب سے پہلے موجود رہے گا۔

اس فیچر کے ذریعے صارفین بالخصوص گروپ چیٹ کے لیے اہم پیغامات تلاش کرنا آسان ہو جائے گا۔

یہ فیچر گروپ چیٹس کے لیے زیادہ فائدہ مند ہے کیونکہ گروپ چیٹ میں ڈھیروں میسجز آنے کی وجہ سے اہم اعلان یا پیغامات پر نظر رکھنا مشکل ہوتا ہے۔

پن کیے ہوئے پیغامات کے ذریعے گروپ چیٹ کے ہر ممبر کو اس پیغام تک آسانی سے رسائی ہو گی۔

ویب سائٹ کے مطابق مخصوص صارفین کے لیے فیچر کی آزمائش شروع کردی گئی ہے تاہم پاکستان سمیت دنیا بھر کے عام صارفین کے لیے یہ فیچر آئندہ کچھ ہفتوں میں متعارف ہوجائے گا۔

مزید پڑھیں: واٹس ایپ کا نیا فیچر متعارف

یہ فیچر کیسے کام کرے گا؟
واٹس ایپ کی جانب سے اسکرین شاٹ شئیر کیا گیا جس میں بتایا گیا کہ یہ فیچر کس طرح کام کرے گا۔

اسکرین شاٹ کے مطابق میسج کو ایک بار کلک کرنے دو آپشن دکھائی دیں گے، ان میں سے پِن کے آپشن پر کلک کرکے مخصوص میسج کو چیٹ میں پِن کرسکتے ہیں۔

یہ فیچر اسی طرح ہے جیسے ہم واٹس ایپ پر مخصوص لوگوں کے چیٹ باکس کو پِن کرتے ہیں۔