اماراتی سرمایہ کاری گروپ ایم جی ایکس کی بائنانس میں 2 ارب ڈالر کی سرمایہ کاری

🗓️

سچ خبریں: ابوظبی کے حمایت یافتہ سرمایہ کاری گروپ ’ایم جی ایکس‘ نے بائنانس میں 2 ارب ڈالر کی کرپٹو کرنسی کی سرمایہ کاری کی ہے، کمپنیوں نے بدھ کو کہا کہ جس سے دنیا کے سب سے بڑے کرپٹو ایکسچینج اور متحدہ عرب امارات کے درمیان تعلقات مضبوط ہوئے ہیں۔

ڈان اخبار میں شائع برطانوی خبر رساں ادارے ’رائٹرز‘ کی رپورٹ کے مطابق یہ معاہدہ، جسے بائنانس نے اپنی پہلی ادارہ جاتی سرمایہ کاری کا نام دیا ہے، کرپٹو صنعت میں اب تک کی سب سے بڑی سرمایہ کاری میں سے ایک ہے۔

اس میں ایم جی ایکس کو اسٹیبل کوائن میں سرمایہ کاری کرنے کے بعد اقلیتی شیئرہولڈر بنتے ہوئے دیکھا جائے گا، یہ ایک قسم کی کرپٹو کرنسی ہے، جو ڈالر جیسی کاغذی کرنسی سے منسلک ہے۔

بائنانس کے ترجمان نے ’متفقہ گورننس رائٹس‘ یا ایم جی ایکس کے حصص کے حجم یا سرمایہ کاری کے لیے اسٹیبل کوائن کے استعمال کے بارے میں تبصرہ کرنے سے انکار کر دیا۔

ایم جی ایکس نے بھی تبصرہ کرنے سے انکار کیا ہے۔

چین میں ارب پتی چانگ پینگ ژاؤ کی جانب سے 2017 میں قائم کیا گیا بائنانس بٹ کوائن اور دیگر کرپٹو کرنسیوں کی تجارت کی بڑھتی ہوئی طلب کو پورا کرنے کے بعد دنیا کا سب سے بڑا کرپٹو ایکسچینج بن گیا ہے۔

’سی زیڈ‘ کے نام سے مشہور ژاؤ نے بائنانس میں منی لانڈرنگ کے خلاف امریکی قوانین کی خلاف ورزی کا اعتراف کیا اور گزشتہ سال کئی ماہ جیل میں گزارے تھے۔

کرپٹو ایکسچینج سی زیڈ کے جانشین رچرڈ ٹینگ کے تحت متحدہ عرب امارات کے ساتھ اپنے روابط میں اضافہ کر رہا ہے، جو پہلے ابوظبی کی فنانشل سروسز اتھارٹی کے سربراہ تھے۔

بائنانس نے بدھ کے روز اپنے اعلان میں کہا تھا کہ متحدہ عرب امارات میں اس کے ’نمایاں قدم‘ ہیں، جہاں اس کے کل 5 ہزار کے عملے میں سے تقریباً ایک ہزار ملازمین کام کر رہے ہیں۔

بائنانس میں سرمایہ کاری ’ایم جی ایکس‘ کی طرف سے کرپٹو میں پہلا عوامی قدم ہے، جو تقریباً ایک سال قبل شراکت داری کے ذریعے مصنوعی ذہانت اور جدید ٹیکنالوجیوں کی ترقی اور اپنانے میں تیزی لانے کے لیے قائم کیا گیا تھا۔

مشہور خبریں۔

پاک فضائیہ کا آفیسرنسیم نثار بیگ شہید کو خراجِ عقیدت پیش

🗓️ 13 دسمبر 2021اسلام آباد (سچ خبریں) پاک فضائیہ نے فلائنگ آفیسرنسیم نثار بیگ شہید

پاک فوج کا قوم کے نام اہم پیغام

🗓️ 28 مئی 2021راولپنڈی (سچ خبریں) 28 مئی 1998 میں پاکستان کی طرف سے کیے

بائیڈن کے قافلے پر حملہ

🗓️ 18 دسمبر 2023سچ خبریں: ایک نامعلوم ڈرائیور نے نامعلوم وجوہات کی بنیاد پر اپنی

فلسطینی مزاحمتی تحریک کا میزائل تجربہ

🗓️ 24 جولائی 2022سچ خبریں:فلسطینی مزاحمتی تحریک نے میزائل کی تیاری کو مضبوط بنانے کے

وزیر اعلی پنجاب کا  بارشوں سے قیمتی جانوں کے ضیاع پر افسوس کا اظہار

🗓️ 12 ستمبر 2021لاہور (سچ خبریں) پنجاب کے وزیرِ اعلیٰ سردار عثمان بزدار نے قدرتی

پاکستان نے ہیلی کاپٹر حادثے کی تحقیقات کیلئے ایران کو تعاون فراہم کرنے کی پیشکش کردی

🗓️ 24 مئی 2024اسلام آباد: (سچ خبریں) ترجمان دفتر خارجہ ممتاز زہرہ بلوچ نے کہا

ڈونلڈ بلوم کی یوسف رضا گیلانی سے ملاقات، پاکستان اور آئی ایم ایف مذاکرات کے حوالے سے پُر امید

🗓️ 25 اپریل 2024اسلام آباد: (سچ خبریں) پاکستان میں امریکی سفیر ڈونلڈ بلوم نے کہا

اسماعیل ہنیہ کا موریتانیہ دورہ، ملک کے اعلیٰ حکام کی جانب سے حماس کی قیادت کا شاندار استقبال

🗓️ 24 جون 2021نواکشوط (سچ خبریں) فلسطین کی اسلامی تحریک مزاحمت حماس کے سیاسی شعبے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے