?️
سچ خبریں: روسی وزارت خارجہ کے ایک عہدیدار کا کہنا ہے کہ یوکرین جنگ کے بحران کے حل کے لیے کسی بھی ثالثی سے انکار کرتا ہے۔
روسی خبر رساں ایجنسی اسپوتنک کو انٹرویو دیتے ہوئے، روسی وزارت خارجہ میں دولت مشترکہ کے آزاد ریاستوں کے دوسرے شعبے کے سربراہ الیکسی پولشچک نے آج (پیر) کہا کہ یوکرین ثالثی کے تمام خیالات کو مسترد کرتا ہے کیونکہ وہ ثالثی کے خلاف ہے۔
یہ بھی پڑھیں: امریکہ کیسے مانے گا کہ یوکرین جنگ ہار چکا ہے؟
انہوں نے کا کہ یوکرین کے صدر ولادیمیر زیلنسکی کی توجہ صرف روس کے لیے الٹی میٹم پر مبنی اپنے امن فارمولے پر مرکوز ہے۔
روسی سفارت کار نے اس طرف اشارہ کرتے ہوئے کہا کہ ماسکو چین، برازیل اور افریقہ کے اپنے شراکت داروں کے ساتھ بات چیت جاری رکھے گا, جن کے پاس یوکرین کے تنازعات کے پرامن حل کے امکانات پر تعمیری اور بنیادی تجاویز ہیں۔
یاد رہے کہ زیلنسکی کے دفتر کے سربراہ آندرے یرماک نے اس سے قبل یوکرین کے امن فارمولے پر بات چیت کے لیے سعودی عرب میں سربراہان مملکت کے مشیروں کی ملاقات کی تصدیق کی تھی۔
رپورٹس بتاتی ہیں کہ اس فارمولے کے اہم نکات پر 50 سے زائد ممالک کے نمائندوں کے ساتھ بات چیت کی گئی ہے،انہوں نے کہا کہ آئندہ ماہ (اگست) سعودی عرب یوکرین میں امن کے قیام پر مرکوز بین الاقوامی اجلاس کی میزبانی کرے گا۔
اس سے پہلے امریکی اخبار وال اسٹریٹ جرنل نے لکھا ہے کہ ریاض یوکرین میں امن پر مرکوز ایک بین الاقوامی اجلاس کی میزبانی کرے گا اور 5 اگست کو ہونے والے دو روزہ اجلاس میں ہندوستان اور برازیل سمیت 30 ممالک کے نمائندوں کی شرکت متوقع ہے۔
مزید پڑھیں: یوکرین جنگ پر کون پیڑول ڈال رہا ہے؛سابق امریکی انٹیلی جنس عہدیدار کی زبانی
رپورٹس بتاتی ہیں کہ یہ اجلاس روس کے نمائندوں کی موجودگی کے بغیر منعقد ہوگا جبکہ کیف اپنے حق میں عالمی برادری کی حمایت حاصل کرنے کی کوشش کر رہا ہے۔
قابل ذکر ہے کہ زیلنسکی نے اپنی حکمرانی کے دوران یوکرین کا 20% علاقہ کھو دیا ہے اور اب اصرار کرتے ہیں کہ ملک کی علاقائی سالمیت اور روسی افواج کے مکمل انخلاء کو یقینی بنانے سے ہی امن ممکن ہے۔
دوسری طرف وہ یہ دعویٰ کر کے مغربی ممالک سے اربوں ڈالر کی فوجی امداد حاصل کرنے کی کوشش کر رہے ہیں کہ اس کے ملک کے خلاف روسی حملہ پورے یورپ کے حملہ ہے۔
یاد رہے کہ یوکرین کے لیے صرف امریکی امداد ایک سو بلین ڈالر سے تجاوز کر چکی ہے جبکہ نیٹو کے کچھ جدید ترین آلات روس کے خلاف میدان جنگ میں آ چکے ہیں، لیکن مغربی ممالک کی طرف سے یوکرین میں بڑی مقدار میں جنگی سازوسامان بھیجے جانے کے باوجود بہت سے ماہرین کا کہنا ہے کہ روسیوں کے خلاف جنگ میں اس ملک کی فتح نہ ہونے کے برابر ہے۔


مشہور خبریں۔
اقوام متحدہ نے یمن میں اس سال کے آخر تک شدید قحط سے خبردار کیا
?️ 15 مارچ 2022سچ خبریں: اقوام متحدہ کے امدادی اداروں نے ایک رپورٹ میں خبردار
مارچ
حزب اللہ کو غیر مسلح کرنا اسرائیلی-امریکی منصوبہ ہے: حزب اللہ کے سکریٹری جنرل
?️ 29 دسمبر 2025سچ خبریں:حزب اللہ کے سکریٹری جنرل نعیم قاسم اس تنظیم کو غیر
دسمبر
زیلنسکی روسی ریفائنریز پر حملوں کو کم کر سکتا ہے : ٹرمپ
?️ 28 ستمبر 2026سچ خبریں: ڈونلڈ ٹرمپ، امریکی صدر، نے اعلان کیا ہے کہ انہوں
ستمبر
پاک بحریہ کے سربراہ نے دشمن کو للکارتے ہوئے اہم بیان جاری کیا
?️ 8 ستمبر 2021اسلام آباد(سچ خبریں) پاک بحریہ کے سربراہ ایڈمرل محمد امجد خان نیازی
ستمبر
امریکی خارجہ پالیسی پر ملکی بحرانوں کا بھاری سایہ
?️ 5 نومبر 2023سچ خبریں:الاقصیٰ طوفان کے بعد یوکرین کے ساتھ امریکہ کے وعدوں کے
نومبر
چین نے مشرقِ وسطیٰ میں فوری حملے روکنے کا مطالبہ کر دیا، سفارتی راستے پر زور
?️ 11 جون 2026سچ خبریں: چین کی وزارتِ خارجہ کے ترجمان نے مشرقِ وسطیٰ میں
جون
بجلی کی قیمتوں میں اضافے کے باوجود گردشی قرضے بڑھ گئے
?️ 3 اکتوبر 2023اسلام آباد: (سچ خبریں) بجلی کی قیمتوں میں ماہانہ، سہ ماہی اور
اکتوبر
ایس سی او اجلاس کی میزبانی کو اپنے لیے اعزاز سمجھتے ہیں، وزیر اعظم
?️ 16 اکتوبر 2024اسلام آباد: (سچ خبریں) شنگھائی تعاون تنظیم کے آج ہونے والے 23
اکتوبر