یمنی کیا کرنے والے ہیں؟یمنی وزیر دفاع کی زبانی

?️ 13 جنوری 2024

سچ خبریں: یمن کے وزیر دفاع نے اعلان کیا کہ جب تک غزہ کے خلاف جنگ جاری رہے گی،دشمن بہت سی حیرت انگیز خبروں کے منتظر رہیں۔

المسیرہ چینل کی رپورٹ کے مطابق یمن کے وزیر دفاع میجر جنرل محمد ناصر العاطفی نے اعلان کیا ہے کہ ہم منہ توڑ جواب دینے کے لیے تیار ہیں اور بحیرہ احمر اور عدن میں بالادستی یمن کی ہے۔

یمن کے وزیر دفاع نے کہا کہ اگر غزہ کے عوام کے خلاف جنگ جاری رہے گی تو ہمارے پاس بھی دشمنوں کو حیرت میں ڈالنے کے لیے بہت کچھ ہے جو ہمارے رہبر کے بتائے ہوئے وقت پر سامنے آئے گا۔

یہ بھی پڑھیں: امریکی فوجی اتحاد کامیاب ہے یا مزاحمت؟

العاطفی نے مزید کہا کہ ہم انہیں سمندر اور جزیروں اور یمن کے تمام جغرافیہ میں بتاتے ہیں کہ چودھراٹ، بالادستی اور ہتھیار ڈالنے کا دور گزر چکا ہے جو کبھی واپس نہیں آئے گا۔

انہوں نے یمن کے دشمنوں کو مخاطب کرتے ہوئے کہا کہ ہم تمہیں نصیحت کرتے ہیں کہ خطے سے نکل جاؤ اور جھوٹے بہانے اور جواز پیدا نہ کرو،ہمارے ہاتھ ٹریگر پر ہیں اور ہمارا جذبہ فولاد سے زیادہ سخت ہے۔

مزید پڑھیں: آبنائے باب المندب اور بحیرہ احمر پر تل ابیب کا انحصار

یمن کے وزیر دفاع نے کہا کہ ہم نے کئی بار خبردار کیا ہے کہ بحیرہ احمر صیہونی حکومت کے لیے ممنوع ہے،ہم صرف اسرائیلی بحری جہازوں یا اس کی حمایت کرنے والے جہازوں کو نشانہ بناتے ہیں ، ہم بحیرہ احمر، خلیج عدن اور بحیرہ عرب سے گذرنے کرنے والے بین الاقوامی جہازوں کو یقین دلاتے ہیں کہ انہیں کوئی نقصان نہیں پہنچے گا۔