یمنی انسانی حقوق کے مرکز نے شہریوں کے خلاف سعودی جرائم کے خاتمے کا کیا مطالبہ

?️ 20 جنوری 2022

سچ خبریں:یمنی انسانی حقوق کے مرکز نے اس ملک کے بے دفاع اور بے گناہ عوام کے خلاف سعودی جارح اتحاد کےحالیہ جرائم کی مخالفت کرتے ہوئےشہریوں کے خلاف سعودی جرائم کو فوری طور پر بند کرنے کا مطالبہ کیا۔

رپورٹ کے مطابق یمنی مرکز برائے انسانی حقوق نے بیان کیا کہ  یمن کے دارالحکومت صنعا پر گذشتہ چند دنوں سے سعودی اماراتی جنگجوؤں کے حملوں کے نتیجے میں متعدد عام شہری شہید اور زخمی ہوئے ہیں۔

بیان میں کہا گیا ہے کہ بدقسمتی سے ہم دیکھتے ہیں کہ یمنی شہریوں کے خلاف سعودی اتحاد کے جرائم روزانہ کی بنیاد پر ہوتے ہیں اور عالمی برادری اس پر خاموش ہے۔

یمنی مرکز برائے انسانی حقوق نے زور دے کر کہا کہ سعودی اتحاد یمن میں جو کچھ کر رہا ہے وہ جنگی جرم ہے۔ اقوام متحدہ، سلامتی کونسل اور دیگر بین الاقوامی اداروں کو ان جنگی جرائم کو روکنے کے لیے ذمہ داری سے کام کرنے کی ضرورت ہے۔