ہمیں عربوں کو ایک نیا یوم نحس دکھانا ہوگا :صہیونی وزیر

سچ خبریں: "بیٹزلیل سموٹریچ”، جو بنجمن نیتن یاہو کی کابینہ میں وزیر خزانہ ہیں، نے ایک پریس کانفرنس کے دوران میڈیا سے بات کرتے ہوئے، غزہ میں 18 ماہ کی وحشیانہ جنگ کے بعد صیہونی قیدیوں کو آزاد کرانے میں اسرائیلی فوج کی ناکامی کا ذکر کیا ۔

بیٹزلیل سموٹریچ نے دعویٰ کیا کہ، میرے خیال میں آنے والے چند مہینوں میں ہم یہ اعلان کر سکیں گے کہ ہم غزہ کی جنگ میں مکمل فتح حاصل کر چکے ہیں! غزہ مکمل طور پر تباہ ہو چکا ہے، اور فلسطینی باشندے اب جنوبی غزہ پٹی کے ‘موراگ’ محور پر توجہ مرکوز کر رہے ہیں تاکہ وہ تیسرے ملکوں کی طرف نقل مکانی کر سکیں۔

انہوں نے مزید کہا کہ، حماس اب غزہ میں ایک فعال تنظیم کے طور پر کام نہیں کرے گی، جب ان سے پوچھا گیا کہ وہ اگلے چھ مہینوں میں غزہ پٹی کی صورتحال کو کیسے دیکھتے ہیں۔

صیہونی وزیر خزانہ نے 7 اکتوبر 2023 کو فلسطینی مزاحمت کی طرف سے طوفان الاقصیٰ کارروائی کے اثرات کا حوالہ دیتے ہوئے فلسطینیوں اور عرب دنیا کو دھمکی دی کہ، ہمیں 7 اکتوبر کی کارروائی کے جواب میں عربوں کو ایک نئے ‘یوم نکبت’ کا تجربہ کرانا چاہیے

گزشتہ روز، صیہونی وزیر نے ایک اور متنازع بیان میں دعویٰ کیا تھا کہ "اسرائیل غزہ پٹی کے بعد مکمل طور پر مغربی کنارے کو اپنے ساتھ ضم کرنے کی کوشش کرے گا۔”