ہمیں اسرائیل پر کوئی اعتماد نہیں:لبنانی نائب وزیر اعظم

?️ 10 اگست 2025

ہمیں اسرائیل پر کوئی اعتماد نہیں:لبنانی نائب وزیر اعظم

لبنان کے نائب وزیرِاعظم طارق متری نے کہا ہے کہ ہم اسرائیل پر اعتماد نہیں کرتے اور اس بی اعتمادی کی بنیادی وجہ وہ اقدامات ہیں جو یہ رژیم غزہ میں کر رہی ہے۔

الجزیرہ کو انٹرویو دیتے ہوئے طارق متری نے بتایا کہ امریکہ لبنان اور اسرائیل کے درمیان کسی بھی معاہدے کا ضامن ہے۔ انہوں نے کہا کہ ہم ان خدشات کو سمجھتے ہیں کہ اگر حزب اللہ کو غیر مسلح کر دیا گیا تو اسرائیل اپنی جارحیت جاری رکھ سکتا ہے۔

متری نے کہا کہ حزب اللہ کی قیادت سے ہماری بات چیت جاری ہے، ہمارے اختلافات بڑے نہیں ہیں اور ہم فوج کی حمایت پر متفق ہیں۔ ان کا کہنا تھا کہ اسرائیلی جارحیت کا خاتمہ ہونا چاہیے، قابض افواج کو پیچھے ہٹنا اور قیدیوں کو رہا کرنا چاہیے۔

انہوں نے زور دیا کہ سیاسی اختلافات کو مسلح جھڑپوں میں نہیں بدلنا چاہیے اور واضح کیا کہ حزب اللہ کا اسلحہ طاقت یا جھگڑے کے ذریعے نہیں چھینا جائے گا۔ متری کے مطابق حزب اللہ اس اصول سے متفق ہے کہ اسلحہ صرف ریاست کے پاس ہونا چاہیے، البتہ طریقۂ کار اور وقت پر اختلاف موجود ہے۔

حال ہی میں لبنانی حکومت نے فوج کو ہدایت دی ہے کہ سال کے اختتام تک ایسا منصوبہ تیار کرے جس کے تحت اسلحہ صرف ریاست کے کنٹرول میں ہو اور مزاحمتی تنظیموں کو غیر مسلح کیا جائے۔

تاہم حزب اللہ نے واضح کر دیا ہے کہ جب تک اسرائیل کی جانب سے لبنان پر حملے جاری رہیں گے، وہ اپنے ہتھیار سونپنے کے کسی بھی ٹائم ٹیبل کو قبول نہیں کرے گی۔ تنظیم نے وزیراعظم نواف سلام کی حکومت کے فیصلے کو بڑا سیاسی غلط قدم قرار دیا۔

انہوں نے کہا کہ جمعرات کی رات بیروت میں ہزاروں افراد حزب اللہ کے حق میں سڑکوں پر نکل آئے اور حکومت کے اس منصوبے کے خلاف احتجاجی مظاہرہ کیا۔